GetJetso Facebook 專頁
發新話題 Report thanks

娛樂頂點:當周慧敏冇到　倪震放肆撩肥谷女友

1# 大 中 小 cheshire (IP: x.102.126.x) 發表於 2007-12-1 09:39  發短消息 只看該作者
相關主題: 倪震 周慧敏 女友

               
俗語謂「男人唔壞、女人唔愛。」可能因為咁，即使倪震多次偷食斷正，次次都過到骨，到依家仍然同周慧敏一齊。不過，做「情場浪子」嘅女友，又真係唔係個個都頂得住。
本周日（11月25日），周慧敏陪倪震去澳門睇「澳門網球爭霸戰08」。倪震睇到興起時，真性情又再表露無遺，當住女友面同谷德昭女友林子萱愈坐愈埋，仲公然黐埋去。周慧敏可以點？惟有一手拉返個男友，轉頭胸壓蹺到實。
話晒都十幾年老夫老妻，即使明知男友花心，唔通依家40歲先嚟換畫咩？

被封「花弗王」嘅倪震，自今年四月偷偷上模特兒Esther 香閨斷正，一直盛傳俾女友周慧敏掟出門口嗌分手。後來佢帶女友去南非，再出動埋親情牌補鑊，終獲得女友再一次原諒。
言猶在耳，近期又有傳媒指佢借Facebook 在網上溝女，認真夠膽，好似唔怕女友會飛佢咁款。
本周日（11月25日），澳門威尼斯人舉行「澳門網球爭霸戰08」，記者亦在場內，親眼目睹倪震點解可以咁放肆。

幫錯人
響澳門碼頭時，谷德昭同林子萱因為怕緋聞而要前後腳入場。同去嘅周慧敏見狀，叫林子萱同自己一齊行，以作掩護。誰知就係佢，令男友冷落自己。

兩孖入場
入到場，谷德昭同倪震呢兩對一齊坐。谷德昭全場掛住同旁邊嘅鄭中基傾偈，難怪記者事後問佢，知唔知倪震愈坐愈過，佢答：「係咩，我唔知喎。」


森柏斯同費達拿嚟澳門咁大件事，演藝界好多人都有去捧場，例如方力申、鄭中基、陳豪、鄭嘉穎等。最後森柏斯直落兩局勝出今場賽事。

搶男友
一個多小時後，倪震同林子萱玩得愈來愈起勁，完全係黐實咗響隔籬。周慧敏見嬲都冇人理，惟有一手娛樂頂點:當周慧敏冇到　倪震放肆撩肥谷女友圖片1返個男友返嚟。

左右逢源
周慧敏一心諗住娛樂頂點:當周慧敏冇到　倪震放肆撩肥谷女友圖片2個男友返嚟，點知連林子萱都繼續黐埋嚟，自已反而變咗電燈膽。

胸壓
眼見男友唔吼自已，周慧敏惟有出絕招胸壓落佢手臂，好彩倪震都仲會理佢。

老死女友照撩
當日下午，倪震同老死谷德昭，各自帶同女友周慧敏及林子萱，聯同其他朋友，一齊搭船過澳門欣賞森柏斯對費達拿的網球表演賽。可能林子萱在碼頭被記者追問同谷德昭嘅關係，入場後一直唔多說話。開賽後，谷德昭只顧同鄭中基玩，冷落女友，令林子萱就更加冇嘢講，所以當倪震有意無意撩佢傾偈，佢格外受落。倪震見佢有反應，更愈撩愈落力，到咗後來，更是旁若無人，只同林子萱玩。而坐在倪震另一邊的周慧敏反被冷落。
睇到中途，周慧敏已經開始扁嘴，多次借機向倪震示意，但倪震這時眼中似是只有林子萱一個。周慧敏見嬲都冇人理，最後惟有一手拉個男朋友返嚟，出動壓胸絕招，又用手蹺到佢實。
睇完比賽，倪震同周慧敏先行返港。雖然他們早知有記者，周慧敏仍罕有地在行人天橋上，公然蹺到倪震實一實。倪震早知女友走唔甩，難怪敢繼續𠝹女。

箍到實
離開會場時，倪震發現有記者響身後，即露出佢嘅招牌青筋躁爆樣。但周慧敏反而罕有地繼續蹺實倪震向前行。

單拖入院
更教人氣憤的是，原來倪震對周慧敏嘅體貼只表現於人前。本月十日是周慧敏四十歲生日，她向記者表示倪震送了一件很好玩、很傻氣的玩具給她作生日禮物，大晒幸福。但據一名醫護人員透露，周慧敏曾於生日前三日（11月7日），前往養和醫院醫治唇瘡，卻未見倪震同行。
「嗰日佢一個人戴住口罩行入嚟囉。倪震？冇見過佢喎。後尾周慧敏出院，都係佢自己一個人走嘅。」女友入院咁大件事都唔陪響身邊，可見倪震對佢有幾好囉。
那邊廂，記者卻收到劉錫明同太太到歐洲補度蜜月的消息。當年周慧敏捨劉錫明而揀倪震，不知今日佢見到劉錫明一家三口親情洋溢，會不會大歎後悔？

多情倪震
上年六月，周慧敏開慈善演唱會，倪震忽然上台扮公仔（左下圖），仲大呼「最愛周慧敏」，好一副情深款款嘅模樣。誰知兩個月後，佢就被本刊踢爆狼溝陳穎妍，仲響銅鑼灣鬼祟買花（右下圖）送去女方屋企。
其實佢話「最愛」係周慧敏啫，冇話「唔愛」其他女人喎。才子，又點可以唔風流㗎？

劉錫明活得比你好
據悉近年劉錫明經常因工作而穿州過省，太太則一直陪在身邊，兩人十分恩愛。現在佢哋仲育有一女，一家三口可謂樂也融融。
18年前劉錫明因一句：「我對周慧敏有好感。」令佢被倪震創辦的《Yes!》雜誌期期唱衰，被迫遠走台灣搵食。而倪震更奪得美人歸。
有消息人士指：「自從『毒瘤明』一事後，周慧敏打過電話俾劉錫明道歉。佢話自己曾經勸過倪震，但倪震唔理，仲話『毒瘤明』呢件事令《Yes!》嘅銷量愈嚟愈好，對當時剛創刊嘅《Yes!》好重要。」
18年後，倪震負面新聞不斷，收入亦不多，相反劉錫明多年來在台灣及國內努力後漸見成績，收入日見豐厚。目前劉錫明已婚並育有一女，一家生活融洽，但周慧敏卻仍在愛海浮沉，日日擔心男友出外偷食。


今年9月，記者在古巨基的演唱會上，問周慧敏當年是否曾因倪震而向劉錫明道歉。她一聽到劉錫明三個字，先是嚇了一跳，一句都冇回應就匆匆離去。

娛樂頂點:當周慧敏冇到　倪震放肆撩肥谷女友圖片3
我去溝女啦！（設計對白）
我話唔得你會聽咩？（設計對白）
娛樂頂點:當周慧敏冇到　倪震放肆撩肥谷女友圖片4
愈撩愈起勁
林子萱明顯唔係網球迷，只係陪谷德昭睇波，所以睇到有啲悶。所以當倪震同佢傾偈，佢便愈傾愈投入。就咁睇，真係以為倪震同佢先係一對。
娛樂頂點:當周慧敏冇到　倪震放肆撩肥谷女友圖片5
周慧敏多次引倪震注意不果，開始黑起塊面。但黑面過後，倪震仍然冇理佢，真係慘。
娛樂頂點:當周慧敏冇到　倪震放肆撩肥谷女友圖片6

忽然一周第644期
相關主題:倪震 周慧敏 女友
如果您喜歡這篇文章，請按「讚」或分享給您的朋友，以示鼓勵。

TOP

thanks