FBI File :天使妹JJ渣招

1^# 大中小 cheshire (IP: x.184.192.x) 發表於 2007-11-28 15:56 發短消息只看該作者

相關主題: 天使

打得打……打得打……又到《歡樂滿東華》，冇咗吳剛師傅飲油食炭，好在上年仲有Yumiko 空中飛人，次次都睇到FBI 先O 嘴然後笑爆肚。

《東華》未正式籌款，例牌先熱身造吓勢，上星期五（23日），天使妹JJ 賈曉晨、《同事》妹梁政鈺、李思欣同Freeze 響室內泳池為《東華》節目錄影，Freeze 向來好慷慨三點式大家預咗，係估唔到瘦蜢蜢嘅李思欣同平時收收埋埋嘅梁政鈺都乘機加入戰團，淨番著住T 恤密密實實嘅JJ 孤伶伶好寂寞。
不過JJ 出名學嘢快，啱啱有本週刊話汪阿姐鬆嘟嘟踭，JJ 即刻學到嘢，到同三點式上陣嘅梁政鈺影相時手臂又唔覺意頂一頂，再攝前兩步，身後嘅梁政鈺心口硬食，JJ 又做主角。鬆踭呢啲嘢，阿姐都係留番啲細路女做啦！好睇好多。

搵朋友
友善JJ 見李思欣（右）望住泳池水好似好驚咁，梗係第一時間上前問吓好姊妹乜事，FBI 聽唔到佢哋講乜，估計JJ 應該係話：「啲水好暖㗎，唔信你落去試吓！」

睥到行
著得泳衣梗係博人影，李思欣被人圍住影，梁政鈺就睥到行，唔使七情上面嘅，有高手JJ 同Freeze 姐姐響身邊，向人請教吓咪得囉！

等唔切
整容三嬌難得可以響《東華》合家歡表演心口控球絕技，大家姐Sukie 梗係

聲露兩手，不過佢負磅太重，響水蓆上跑兩跑已經跌咗落水，搶鏡2秒玩完。

批暗踭
JJ 眼望左邊，右腳踏前一步，再轉一轉手腕，然後手臂發暗勁一頂，《同事》妹梁政鈺中咗招O 嘴，應該心口幾痛，睇嚟山東妹JJ 唔只學中醫，應該仲食過夜粥，呢招乜名堂呀高手。

FACE周刊第27期

廷伸閱讀/相關主題推介:

相關主題:天使

如果您喜歡這篇文章，請按「讚」或分享給您的朋友，以示鼓勵。

TOP

著數優惠交流網 » 影視、娛樂交流區 » FBI File :天使妹JJ渣招