剛開始拍拖既時候係熱戀期,無論雙方做乜都係新鮮既,
但過左熱戀期就會進入成長期,好多人係呢段時間都會捱唔住,唔習慣一下子由熱變冷既感覺,
以為對方唔再愛自己,開始胡思亂想...但只要步過呢段時期就可進入穩定期!
不過,成長期係最難過既,因為雙方由於係熱戀期痴得太密,無晒私人時間同空間,
到步入成長期既時候,開始想享受下個人空間,分開去做自已想做既野,陪下朋友,出去玩下咁!
如果雙方同時可以步入成長期就會無事,因為大家都明白同了解雙方需要乜野,
雖然會少左甜密感覺,但會多左份信賴同安全感!對日後發展好重要!
但如果呢段期間是旦一方仍然留係熱戀期,就會誤會另一方唔再愛自己,最後多數只會分手收場!
不過每對戀人既熱戀期長短不一,有部份人可以一世係熱戀期!
