著數優惠交流網 » 影視、娛樂交流區 » 娛樂頂點:陪欠債男友賭錢　楊怡輸到頭撼

娛樂頂點:陪欠債男友賭錢　楊怡輸到頭撼

1^# 大中小 cheshire (IP: x.77.20.x) 發表於 2007-11-17 12:45 發短消息只看該作者

相關主題: 楊怡

今年9月，有周刊指楊怡與欠債男友藍偉傑分手，事後楊怡回應此事時，扮懵唔認拍拖，更表示自己是「義氣仔女……朋友叫到一定借。」
但11月初，本刊發現楊怡不但沒有與男友分手，兩人更齊齊過大海博番鋪。席間，楊怡與男友嗱住一大疊大牛（五百元）賭百家樂，手氣甚差的她話咁快就輸晒，難怪楊怡輸到又嗌又頭撼枱！
楊怡與男友藍偉傑拍拖三年以來，
感情一直穩定，兩人在男方太子道寓所同居。三十多歲的藍偉傑出身富裕家庭，物業及公司資產近二千萬。但今年6月，藍偉傑旗下全資擁有的怡寶有限公司，被永亨財務入稟高院，追討收回上水古洞的全幢物業。雖然男友經濟冇昔日咁風光，但楊怡依然不離不棄。
本月3日，楊怡孖住男友藍偉傑同姚嘉妮及林祖輝，兩pair 人一齊到威尼斯人酒店睇美國天后Beyonce 演唱會。睇完騷路經酒店內的賭場，佢哋即賭癮大發。
楊怡輸一大牛
初時兩pair 人對百家樂的玩法唔太熟識，要荷官教路。楊怡男友掏出一大

五百元（約廿張左右）任女友賭，開首幾鋪只得楊落場，其他人在旁打氣。只見他們神情緊張，將啲牌又甩又吹。連輸五鋪後，楊怡激動到大嗌兼頭撼枱。黑仔的楊怡十賭九輸，在旁的男友見佢手氣差，便提議佢到其他賭枱玩。
四人轉到大細的賭枱繼續賭錢，雖然運氣比賭百家樂好少少，玩十鋪都有兩鋪贏，而他們每鋪只係投注一、二百蚊，但不足一小時，藍手上那

大牛又輸清，相反姚嘉妮則有所斬獲。
姚嘉妮反勝
上周五（9日），記者問出席台慶活動的楊怡，她說：「嘉嘉（姚嘉妮）、林祖輝都響度。（你同男友兩份賭喎？）我自己賭自己嘅錢，朋友（指男友）坐隔籬枱，我輸咗千幾蚊，嘉嘉有贏錢，我有節制嘅。（你男友嗱住

五百蚊俾你賭喎。）佢好豪㗎……但我係問嘉嘉借錢俾我賭。（你賭到撼晒頭喎！）百家樂好刺激，之前拍《賭場風雲》時，我做荷官都有見識過。你哋今期出呀？係咪封面先？」
而姚嘉妮則透過電話說：「嗰次係我第二次入賭場賭錢，阿怡話想去賭，咪陪佢囉！我哋諗住玩1千蚊，輸晒就算。（楊怡男友嗱住

五百蚊玩喎！）……佢打散啫！我……唔為意呀！我哋玩百家樂時一路都輸，荷官都有教我哋玩，不過我見勢色唔對咪改玩大細。」
姚嘉妮又話嗱1千蚊出嚟玩，楊怡又話自己輸千幾蚊，邊句真呀？不過男友仲有錢俾楊怡賭，斷估都唔會分手！
爛船都有三斤釘
藍偉傑家族曾欠債半億，包括其父藍國賢在拉斯維加斯欠下1,500萬，01年破產，其母朱惠萍及哥哥偉良亦曾被追數共2千多萬，但爛船都有三斤釘，看藍偉傑依然有錢俾女友賭，就證明他財來有方。

黑面
連輸近十鋪，楊怡認真黑仔，與男友藍偉傑面黑黑。

祈禱
連輸三鋪，下下俾庄食住嘅楊怡，輸到要祈禱。

甩牌
都唔知係咪睇得《賭神》多，楊怡玩百家樂時，起勢咁甩，不過甩極都係輸！

撼頭
再輸多兩鋪，楊怡慘叫後激動到兜頭撼落張枱度。輸到傻咗呀！
忽然一周第642期

廷伸閱讀/相關主題推介:

相關主題:楊怡

如果您喜歡這篇文章，請按「讚」或分享給您的朋友，以示鼓勵。

TOP

著數優惠交流網 » 影視、娛樂交流區 » 娛樂頂點:陪欠債男友賭錢　楊怡輸到頭撼

娛樂頂點:陪欠債男友賭錢 楊怡輸到頭撼

廷伸閱讀/相關主題推介:

娛樂頂點:陪欠債男友賭錢　楊怡輸到頭撼