週日（28日）凌晨，彭順同Kama 一齊現身蘭桂坊，準備步向加州大廈嘅AURA 吧夜蒲，期間二人雖有講有笑，但就行得離行離列，可能未warm up 啫！
一齣《見鬼》，令彭順事業愛情兼得，靠一系列鬼片彈起之餘，更與女主角李心潔撻著，03年兩人正式在大坑同居，拍拖6年人前人後經常十指緊扣大晒恩愛，男方在今年3月更開聲話下年娶李心潔，成功建立專一好男人形象。
42歲戴眼鏡一副老實才子樣的彭順，近日竟然趁未婚妻李心潔冇睇實，即刻出去獵食。上週本刊發現彭順夜湊嫩口長腿妹，趁女方蒲完未醉醒，更上酒店爆房短聚半小時。索女正是邦民CM 女，快將19歲的Kama （羅凱珊）。估唔到彭生拍戲掂，原來背愛人偷食都有一手。
週日（28日）凌晨十二時半，記者發現彭順與邦民女Kama 在中環出現，二人沿路有講有笑，但態度仍不算親密，之後二人再到中環新蒲竇AURA ，坐低冇耐彭順即展開追女攻勢，不斷隊Kama 飲威士忌綠茶，又撩她到舞池跳舞，幾杯到肚Kama 漸漸鬆懈。
不停隊酒
兩人在吧枱旁密傾，記者發現彭順除貼到Kama 實一實外，有時更借勢攬作一團，索Kama 在場內亦不時有仔撩，記者隱約聽見有把男聲說：「好耐冇one night stand ！」之後Kama 反應甚大回應：「我唔會㗎喎！」而男方就說：「今晚……」。
二人共舞浪漫一番，未到3點Kama 已變「貓仙人」，跳到一半已仆在吧枱上。彭順見狀借勢拖Kama 回梳化坐，還加多兩錢肉緊敬多Kama 兩杯，記者發現Kama 進入迷糊狀態。
蒲到清晨，Kama 意欲回家，彭順見狀就到樓下嗱車，醉爆Kama 落樓時更要友人扶著離開，等候彭順期間，Kama 更在街上醉到嘔。
舞池拉扯
上到AURA 吧後，彭順就捉住飲咗幾杯威士忌溝綠茶、有幾分醉意嘅Kama 出舞池跳舞，期間彭順不斷扯住Kama 挨近啲，仲喺佢耳邊細語。
吧枱黐埋
之後彭順就拉住Kama 到吧枱傾密偈，期間記者聽到一把男聲：「好耐冇one night stand 。」不過Kama 就拒絕話：「我唔會㗎喎！」表現堅拒。
喺蘭桂坊上車前，Kama 就被路經嘅男士撩，但Kama 即刻用手擋住，say no ，當時仍有三分醒。
之後醉到耍手擰頭嘅Kama 由彭順嘅副導演扶住上車，Kama 之後仲嘔到彭順架寶馬X5一車都係。
彭順喺大華酒店泊低架車後，即刻走咗去搵酒店，剩低Kama 一個人
咗喺架車度。醉到郁都唔郁，發生咩事都唔知。
開房斷正
Kama醉得厲害，坐車途中再次嘔吐，及後彭順送Kama 到其調景嶺寓所，但奇怪地只見彭順落車與管理員閒聊數句後，又突然上番車，踩行油向九龍方向駛去，記者看見Kama 則臥在車上醉到冇反應。
之後彭順將車停泊到佐敦大華酒店一旁，原來當日彭順要一早到佐敦為新戲《愛鬥大》開工，大華酒店正好超級方便。
當時Kama 醉到行唔到直路，她被彭順硬拉著入酒店，期間Kama 更因太醉而跌在地上，彭順抬番Kama 起身繼續上房，半小時後彭順施施然落樓開工。翌日十一時半Kama 才完全酒醒，呆呆滯滯離開酒店。
入到酒店大堂後，彭順就一路拖住Kama 隻手引路，似係好心急。
期後彭順放低Kama ，獨自行去接待處辦check in 手續。
醉住上房
溝完吧，彭順就揸私家車載Kama 去到佐敦大華酒店再聯誼，在酒店內彭順非常肉緊拖實Kama ，記者見Kama 不停用手㩒住額頭，似醉到頭痛。從側面睇，Kama 一對42吋長玉腿非常誘人。
短聚後各顧各
酒醒愁眉
週日上午11點左右Kama 就一個人離開大華酒店，佢去7仔買了支乳酪飲品，沿途見佢愁眉苦面似係有啲唔開心。
回魂工作
同日上午8點左右，彭順（左）就喺酒店附近趕工拍戲，原來租大華酒店為方便自己返工。
彭順投宿嘅大華酒店，位於佐敦區屬4星級酒店，一間普通雙人房，日租1,070港元，唔算貴。
一戲定情
據模特兒圈消息透露，Kama 與彭順認識，全因新戲《愛鬥大》要起用大量新人，彭順試鏡期間認識Kama 並對她甚欣賞，但由於Kama 只想當女模，拒絕了彭順的拍戲邀請，不過彭順對她咬住唔放，更大膽背著李心潔主動聯絡Kama 。
羅凱珊Kama
李心潔
《壹週刊》圖片
Vs
表面恩愛
彭順同李心潔的6年感情，表面上恩愛如昔，實則因二人經常分隔兩地而開始感情轉淡。據李心潔身邊好友講：「佢哋兩個而家都係老夫老妻咁，係感情、親情咋，唔係愛情！」
記者週一（29日）致電彭順，他死口唔認呢筆風流帳，更話冇對唔住李心潔。
F ：《FACE 》 彭：彭順
F ：你同個女model 去大華酒店開房？
彭：冇計啦，斷正俾你哋影到。佢醉到返唔到屋企，我又要開工，咁我咪擺佢喺酒店咋，我今次真係好心做壞事！如果唔係我要開工，我會同佢一齊喺車度
算數。
F ：你送到人去調景嶺屋企，點解唔送上樓，要去爆房？
彭：我唔知佢住邊座
嘛！（咁你又知佢住調景嶺？）吓？佢個friend 講嘅。
F ：個女仔叫Kama ，試完《愛鬥大》鏡，你就追佢？
彭：Kama ？邊個嚟㗎？（你帶上房過個！）我唔識佢喎！
F ：唔係Kama ，咁個女仔叫咩名？
彭：朋友啲朋友，唔使交代啦！
F ：有冇覺得對唔住李心潔？
彭：冇。我都冇做過任何嘢。
收線前彭順更叮囑記者不要致電李心潔，「唔好搞
佢喇！」
而被彭順當路人甲的Kama ，在電話中堅決否認：「你搞錯，過個唔係我喎！（有相！）我過晚陪媽咪食飯。」
至於睇唔實男友，正身在台灣為下週一出席活動的李心潔，只透過其香港經理人拋下「冇回應」3個字。
6年愛情變親情，為重拾愛情感覺，加上遇到細自己23年的嫩口索女，彭順點會忍得住？
台灣《壹週刊》圖片
甜蜜過去
4年前，彭順被影到同李心潔手拖手喺台北街頭行街，sweet 到暈，不過近兩年都好難見到呢種甜蜜情景。
網誌真言
近年甚少同男友公開露面嘅心潔（中），最近多數黐住失戀老友楊采妮（左）及梁詠琪（右）解悶，而心潔亦在個人網誌中吐心聲話「愛一個人，習慣了、依賴了，失去時就會很痛苦……我也還在學習。」
拍戲追女
42歲彭順，靠拍鬼片起家，02年同孖生細佬彭發執導嘅《見鬼》，雖然輸俾《無間道》嗱唔到金馬獎及香港電影金像獎嘅最佳導演及最佳電影獎，但票房大收1400萬港元，成港產鬼片王，今年轉風格拍懸疑片《C+偵探》（左圖），口碑有讚冇彈。戲種轉型，連追女一樣轉口味，拍《見鬼》時與李心潔撻著，最近搵新女Kama 為新戲《愛鬥大》（右圖）試鏡亦火速搭上，拍戲同追女一樣咁叻。
