[足球] 羅賓奴「套」出生天

1^# 大中小 kelvink71 (IP: x.177.84.x) 發表於 2007-10-26 14:25 發短消息只看該作者

西甲勁旅皇馬，證明唔理臭馬定「色」途老馬，幫到球隊贏波嘅就係好馬！早前喺巴西喪玩嘅羅賓奴，前晚歐聯對奧林比亞高斯入兩球、博到1個12碼；直接同間接助攻各一，加埋「好好先生」卡斯拿斯完場前救出必入球，造就皇馬主場4:2大捷。
羅賓奴賽前主動要求上陣，似乎一心要戴罪立功。兩分鐘，佢搶甩波後妙傳雲佬射門被撲出，魯爾執雞射入歐聯第58球；下半場開波冇耐客軍反勝2:1，但係68分鐘羅賓奴接應傳中波頂入追平；76分鐘，佢幾吓插花博得12碼，可惜雲佬主射高出。

入兩粒又助攻生猛
83分鐘，羅賓奴接應雲佬傳波射入反超前，最後補時階段再妙傳巴保亞射入4:2，險救[-1]「主勝」捧場客！羅賓奴賽前重申喺巴西蒲吧係真，不過嗱咗40個避孕套就係傳媒老作，講到激動處仲一度眼濕濕。
唉！傻仔嚟嘅！我求大俠絕對信晒羅賓奴，40個避孕套用嚟玩掟水蛋咩？羅賓奴今場波一度使出朗拿甸奴嘅絕技「牛尾巴過人」，就知佢係借蒲吧向細哨偷師喇！賽後連教練蘇斯達都讚羅賓奴好波，佢今次安落晒喇！

卡斯拿斯勇冠全場

皇馬今仗另一功臣係門將卡斯拿斯，整條後防喺簡拿華路缺陣下更見散晒，可能「好好先生」卡斯拿斯已經見慣不怪，有時直情叫後衞行埋一邊，等自己左飛右撲，真係犀利，如果唔係，高華斯域已追和3:3。
最後，我求大俠仲想恭喜皇馬喺聯賽同歐聯都排榜首之餘，今仗有份打嘅阿根廷中場加高，亦岩岩證實女友「有咗」，認真恭喜恭喜！

如果您喜歡這篇文章，請按「讚」或分享給您的朋友，以示鼓勵。

TOP

著數優惠交流網 » 足球,跑馬博彩區 » 羅賓奴「套」出生天