國台扮:黃奕肥妹大翻身全男班演出嘅電影《兄弟》，唯一女主角由黃奕孭飛，呢位第二代小燕子，人氣急升之作係○五年明搶第一代小燕子趙薇男友汪雨，搞到「薇雨戀」話咁快玩完。
至於近期熱話，除咗因為拍《兄弟》，同苖僑偉有床戲，三嫂戚美珍驚三哥假戲真做，要親自監場之外，國內媒體早排叫佢做「范冰冰2號」，認為黃奕五官進行過大修葺，包括縮細鼻頭再整高，磨細腮骨踢走包包面，完成作品激似同樣被指係再做人嘅韓國藝人孫藝珍。
不是定埋
因為有網友質疑黃奕整過容，個樣愈望愈似韓星孫藝珍，國內媒體加多腳大肆報導，黃奕助手代回應時，用「不可思議」形容今次事件：「我覺得黃奕長得挺好看，用不著整容。整容是老話題了，很久前我們就回應過。」
近年國內女星頻頻被指整容，范冰冰係其中之一，黃奕緊隨其後接棒做「范冰冰2號」。
認為要靚，唔一定要整容嘅黃奕，覺得現今讀者太唔理智：「我在這裡重申，我沒有整容，讀者單憑一張相就認定你整容，不會想到我為拍《長恨歌》活生生瘦了二十斤，別人吃飯我只能喝湯。」
減肥減到樣都變埋，假設黃奕嘅瘦身變臉之法係正確，整容醫生就快變夕陽工業！蕭定一隨時無得撈？！無線高層唔使再逼旗下藝人箍牙。
喺電視版《長恨歌》中，黃奕做少女王琦瑤，中年版由張可頤飾演，兩個氣質都幾相近，但身材就……
孫藝珍
老實講句，黃奕同孫藝珍個樣的確有幾分像樣，既然愈嚟愈索，戚美珍要監場𥄫實三哥同佢拍床戲，都好難怪。
○二年同古巨基拍《天上人間——環珠格格3》，做第二代小燕子嘅黃奕，當年仲係面圓兼豬膽鼻，變咗肥燕子。壹周刊第920期
