真面目:收埋同居男友 關心妍執靚上岸出道5年，29歲關心妍（Jade ）一直星運平平，初出道唱〈負擔不起〉、〈你有心〉等歌曲雖曾hit 過一陣，可惜有頭威冇尾陣，keep 唔到個勢，仲要忙於與同門姊妹周麗淇內鬥。事業要爭，關心妍索性
埋心水搵頭好人家，表面上依舊登台出碟，但原來已
到好男人，隨時嫁人，近來仲剪短髮為上岸執靚個樣。
不過自上次同印尼餐廳太子爺見光死後，今次mark 實有米男友，收埋同居近半年，實行低調處理。
年多冇碟出，關心妍7月才推出新碟《Lost &Found 》，辛苦賣唱銷量多極都不過1萬張，搵錢艱難，不如搵個好佬嫁人，才是女人畢生最大的成就。
主動出擊
原來自去年年尾跟印尼餐廳太子爺蔣翹丞分手後，關心妍即火速搭上Jonas （楊長智），近日更搬埋同居。
上週二（16日），關心妍做完商場活動之後，男友order 司機駕著豐田7人車管接送，二人隨即到尖沙咀棉登徑名人飯堂，包括有劉鑾雄、梁朝偉等幫襯的「見城」日本料理晚飯，期間Jonas 走出門口扯煙、講電話，而關心妍則全程留在餐廳VIP 房內靜候，以免拍拖飯局曝光。「佢（Jade ）今次好秘密，之前仲好畀心機去追個男嘅，佢話如果今次俾佢搞掂，就唔使憂，唔撈㗎喇！」關心妍的身邊人說。
在「見城」逗留個多小時後，二人前後腳步出餐廳，不過相隔都不過兩個人身位，關心妍更做男友背後的女人，低頭跟著行，並乘坐男友保母車一齊返回男友位於大坑徑寓所。
16/1022:30鬼祟餐
關心妍上週六出席完楊長智公司搞的護膚品活動後，二人齊齊到位於尖沙咀棉登徑、屬有錢人幫襯的「見城」日本料理吃晚飯，離開時更刻意前後腳，十分避忌。
同返歸
飯後關心妍（左圖）乘坐楊長智公司登記的七人車，直返回男方位於大坑徑嘉景臺寓所，同車又同居，好sweet 啫！
唔鬥等嫁
外間經常將關心妍與周麗淇（右）比較誰人得寵，其實Jade 一早
埋心水嫁有錢男友，仲邊使爭寵。捱騾仔？留番Niki 啦！
圈中蒲友
記者發現連日來，關心妍都照樣在男友的大坑徑寓所出入，更不時坐著男友保母車四圍去，儼如女主人一樣。反而多日來都不見關心妍返回「娘家」，其母張美芬去年以1千萬買入的大潭道浪琴園。
同居甜蜜蜜，今次關心妍主動出擊釣到的男友Jonas （楊長智），據知為銀行界才子，不過其瓣數多多，與多位圈中名人明星非常稔熟。其中跟應采兒傳過緋聞的陸恭和，現與Jonas 擁多間公司及一物業，與陸恭和開的公關公司Propagate ，每年都搞不少名人派對，而Jonas 更是蔡一智的滑浪師傅，去年蔡一智大婚之日，Jonas 都有畀面出席，當日Jonas 更與關心妍齊齊做兄弟、姊妹團代表，據知當時兩人已互有好感，加上關心妍夠「進取」，二人一拍即合。
投其所好
33歲的Jonas 擁有健碩身形，閒時鍾意跑步出海玩滑浪，上週四（18日）放工後，他乘坐7人車返家後換上運動衫褲，到跑馬地做運動，跑步跑足40分鐘都面不改容，成個運動健將咁款。
而一向弱質纖纖型的關心妍，近年打扮愈見女人味，有時出席公開場合，更以性感打扮示人，不過關心妍實屬有料之人，平日「禾稈撼珍珠」，加上近年愛上水上活動的她，月前又被拍到與公司同事結伴出海，33D 上圍表露無遺，近日更被網友封為「胸后」。
21/1015:15斷正嬲
楊長智週日（21日）專程駕駛保時捷跑車接關心妍到赤柱歎個浪漫下午茶，可惜遭記者撞破，關立即拉低頂帽遮面，而楊則不斷兜圈，終於成功擺脫記者。
嗜好勁夾
斷正遮面
到了週日（21日）放假好時光，一身便服的Jonas ，揸住70多萬保時捷跑車，載住關心妍由大坑徑寓所出街拍拖，正向赤柱方向進發，期間Jonas 發現記者採訪車，於是勁踩油，之後遇燈位焗停，當記者上前影相時，Jonas 刻意用手臂遮面，而關心妍則拉低帽子打電話，赤柱車河遊難逃斷正。
記者於本週一（22日）致電關心妍，其電話卻長響，而其經理人亦以開會為由未有回應。既然一心諗住上岸，戀情曝光又何妨喎！
網上晒星照
楊長智因工作關係，經常同明星名人合作，楊更在自己的交友網friendster 大晒明星合照。但點解惟獨是冇同阿Jade 嘅相？
上進男友
楊長智（Jonas ）名下有7間公司，業務涉及投資、顧問等，更與活樂集團CEO 陸恭和合作搞公關公司，亦共同持有尖沙咀新文華中心一個約值550萬的商廈單位，二人更定下做上市公司老闆的目標，非常上進。楊的座駕是價值28萬的豐田七人車和70萬的保時捷，而寓所則是大坑徑嘉景臺，月租約3萬6千，家境尚算不俗。
楊長智與陸恭和的弘傳市場推廣有限公司（Propagate ）其實還有另外3名股東，其中兩人分別是岳少愛將鄺心怡（Selina ）與及麥兆輝女友鍾慧得（Vida ），個個百足咁多爪，可見楊長智人脈甚廣。
陸恭和父親係建築界老行尊陸孝佩，母親Catherine 係聖安娜餅店的創辦人，Jonas 唔單止識娛樂圈人，仲好識拍住名人做生意添。
變靚啲
02年初出道的關心妍樣子平凡，眼細闊面加個豬膽鼻，確實嚇走唔少fans ，4年前花5位數字到日本割深雙眼皮，Jade 直認不諱：「我覺得自己唔靚，為咗上鏡靚啲，所以走去日本挑雙眼皮。」至於有傳關心妍整過其他部位，Jade 則一概否認，仲話自己好怕痛，所以唔會整容。不過割深雙眼皮可以搞到連個鼻都高埋、面又尖咗，呢幾萬蚊又幾抵畀喎！
關心妍擁33D 魔鬼身材，不過著得如此性感都唔係好多次。《忽然1周》圖片
楊長智
FACE周刊第22期
