9月27日，周四。中秋假期之後，緬甸局勢令鄰國不安，資金大量湧入香港，令恒生指數上升634.86，收27065.15。9月期指升596點，收26976點；10月期指升760點，收27234點。大市成交1470.54億元。控未來焦點轉向中印越
控（005）獲中國監管機構批准內地設立保險合資企業。今年上半年控美國業績下降43％，未來拓展方向早已改為中國、印度同越南。
港股自8月20日中央宣布批准內地個人資金自由行起至今，恒指已上升25％。港交所（388）今天再升1.4％，見236元；中移動（941）升6.5％，見129元；國壽（2628）升3.7％，見43.2元；網通（906）升6.1％，見20.65元；中國電信（728）升13.23％，見5.82元；長實（001）升4.99％，見130.4元；中國遠洋（1919）升8.98％，見23.65元，高盛將目標價提升至26.2元。信德（242）停牌，宣布配售新股。遠洋地產（3377）暗盤成11.1元，較招股價升44％，申請一手中籤率3％（即三十手始獲一手）。後市展望繼續反覆上升。國有股減持增A股流通量
內地媒體報道，國有股減持以寶鋼為試點，低價配畀老股東。中海油（883）宣布IPO發行，網上資金申請共3.5億股、網下配售1.5億股，網上者由申請發行股票上市交易之日起計規定三個月禁售。建行（939）、神華（1088）、中石油（857）回歸A股後，再傳出國有股減持，業內人士並唔感到意外，因為股改目的之一就係解決國有股長期不能流通窘局。股改過程中，有「鎖一爬二」說法，即第一年過後可減持5％，第二年減持10％。寶鋼股改已過一年幾，至少可減持5％。國有股減持可令依家供不應求A股增加流通量，減少泡沫現象。隨國有股減持政策漸漸落實，A股偏高情況估計可糾正過來。今年第三季上證指數由3800點升至5500點，內地二百二十二隻投資股票基金平均淨值增長率為35.1％，同期指數上升44.74％，只有二十隻基金升幅超過同期指數升幅。
內地新一輪調控措施10月黃金周後登場，散戶宜小心。 波羅的海指數經過前三季大幅上升後，有機會今年第四季見頂，航運股應否獲利回吐？值得研究。家五年船齡好望角型船隻售價已升至1.3億美元，今年內升幅達60％【圖一】，主因係中國對鐵礦石及煤需求急升【圖二】，但升幅太大，會否出現回吐？
小麥價、玉米價皆大幅上升，睇小麥同玉米價未見頂；反之，豬肉價回落6.4％、雞胸回落4.7％、雞腿回落2.1％、雞翼拉平。經過半年雞價上升後，估計依家已見頂。
8月17日美元減息唔會刺激美國CPI大升，因為美國CPI中，勞工成本佔70％、能源佔7-8％，但減息卻可刺激原材料價格大升。減息後美國中、小型股均大幅上升，從呢個角度睇，明年上半年美國經濟亦唔會衰退。無論1998年或2001至03年減息後，中小型股份升幅都較大藍籌大，相信呢次亦唔例外。10月起股市又再炒「細細粒、容易食」概念，但標普五百每股純利升幅明年由原先7.4％降至6.4％；房地產未因減半厘息而好轉，繼續睇跌。
金價升穿730美元阻力進入整固期，主要係擔心印度投資者沽售，明年金價睇850至1000美元。金價上升，金礦股又點睇？呢點又要視乎開採成本升幅係點，自2004年起金礦股表現唔及黃金（升得慢、跌得快）。散戶最大缺點冇膽贏錢
散戶最大缺點係冇膽賺錢，通常只滿足於10％、20％最多30％利潤而非追求100％、200％、300％甚至十倍利潤！金融市場無時無刻出現可以改變你一生投資項目，可惜D所謂財經分析員，一百個中只有二個有捕捉上述股份水平。佢地忘記投資係追求高增長（growth）而唔係資金安全，應努力發掘明日藍籌股，而唔係今天藍籌股！畢非德亦中石油（857）身上賺取400％回報，點解散戶只滿足於10％、20％最多30％利潤？請止蝕唔止賺。如大企業面對純利增長放緩，一樣唔值得，家仍有唔少二線股被分析員忽略，往往可帶來高人一等回報。學做一個良好Stock Picker！上述唔使大學畢業程度，只要多D留意身邊事物，用腦去分析便可。帶來驚人利潤項目往往係一般人少留意者，機會之門常為你而開，問題係你有冇吉士進去。前南非總統格言─—任何事物都係不可能，直到你做到為止。發達容易，搵食艱難。大部分人仍沉迷於搵食，而唔學習點樣發達。發達唔係叫你工作太辛勞，發達唔需要天資聰敏，發達唔係要你醒目過人，只係制定計劃後嚴格遵守，一步步將夢想變成事實而已。發達係追隨醒目資金，唔係追隨群眾，因為80％人口都係中下階級、只有20％係中上階級；真正富有家庭更只佔總人口3％。Fortunes are made from trading,not from working。請好好思考呢句話。
香港早已過勤力賺錢時代，而進入炒資產升值時代。1984至97年樓價上升帶來十三年繁榮期，2003年年中利率降至1厘，又再次引發炒資產升值潮，至今仍未退潮。資產價格上升推動經濟繁榮。
面對美國GDP增長放緩，不但無損香港繁榮，美國同歐洲為挽救CDO市場而濫發貨幣，8月17日起又再刺激港股上升。貝南奇係研究1929年華爾街危機專家，並發誓唔畀1929年危機美國重演。相信美元短期價仍然向下。
試諗如果有一天起床，美國唔見，歐洲唔見，日本都唔見，世界經濟領袖將變成中國、俄羅斯、印度同巴西（四大金磚國）！中國從安哥拉入口石油，並派出員工到安哥拉興建基建，安哥拉答應未來十年以每桶60美元固定價格供應中國去支付基建。上述唔係夢話，而係上月上海2007年峰會公布！2001年SCO成立，由中國、印度、巴基斯坦、伊朗組成，明年俄羅斯將加入該組織，成為一個冇美國同歐洲國家參加組織，成員國互通有無。8月美國財長保爾森到中國要求將人民幣升值30％，中國回應係減少吸納美元，結果美元價8月起大幅回落，中國變相話畀美國知，美元價有賴中國支持，唔好再提空洞恐嚇！如再逼人民幣升值，首先遭殃係美國唔係中國！今天人民幣價毋須美國支持，反而美元價卻需要中國政府合作。中國經濟對美國出口依賴漸減，反之沃爾瑪所售產品，70％中國製造。
滿清乾隆皇帝當年漠視大英帝國的興起，令中國經濟工業革命浪潮中完全錯失機會。1978年鄧小平改革開放政策，終於令中國呢條巨龍擦亮眼睛，放眼世界。今天中國仍然不能睇唔起美國、歐洲同日本，但只要趨勢維持多三十年，中國可同佢地並駕齊驅，六十年後甚至超越亦唔奇。
美元弱勢翌年港經濟好轉
上一次美元上升期自1995年開始、2001年結束，為時共七年。呢次美元回落期2002年開始，已進入第六年回落，係咪2008年才見底（七年）要事後才知曉。美元弱勢第二年通常係香港經濟轉好時；反之，美元強勢到第二年香港經濟便轉壞。今天美元兌歐羅跌至新低，6月30日至今兌歐羅下跌4.4％，見1.4166美元。美國商業部公布8月新房銷售下降5.2％或年率82.5萬間。估計年底歐羅可見1.45美元、紐元見86.8美仙。
中國政府要求緬甸軍政府克制及保持冷靜，以免事件惡化。今天仍有七萬人仰光示威，係1988年發生學生示威以來最大型一次。中國同俄羅斯周三合作阻止美國同歐洲聯合國通過譴責緬甸軍政府議案，緬甸局勢則影響東南亞政局，形成大量資金流入香港搶貴港元，今天港元見7.75兌1美元，令港股進一步上升。
四川成渝（107）、信德集團（242）、福記食品（1175）、冠捷科技（903）、長城科技（074）、信義玻璃（868）、中華藥業生物科學（8120）、盈控股（8101）停牌。
如果您喜歡這篇文章，請按「讚」或分享給您的朋友，以示鼓勵。
