直通車未開，不如搭地鐵；六十六踩油，請緊握扶手！
《小傳日記》花旗魚缸奮勇向前，不過亞洲區開始洩氣，香江今日（５日）就好反覆，開波
彈上新高２４２８３之後無力，慢慢回順返番２４１００左右，下晝東瀛魚缸倒插，香江亦隨之
撻落２３８００邊緣咁滯，但冇耐又有買盤掃，散場收２４０６９，進帳１８３點，成交有
８９１億銀。
備受市場關注?北水直通車消息，仍然牽動大市，一時話試點除?天津之外，仲會去到北京
、上海同廣州，一時又話會提高門檻，投資亦會設上限。缸邊友話如果「北水」繼續姍姍來遲，
咁魚缸高位承接都會差?，呢個情況之下千祈唔好「手痕」喎。
＊坐上過山車力保兩萬四，北水姍姍來缸友畏高症＊
大象（０００５）今日努力守住百四蚊關，可惜最後都企唔到，收１３９﹒７蚊，踏前２毛
；中移動（０９４１）獲大和號睇好踢高目標去到１２３﹒２蚊，漲２％。
憧憬花旗國就快減息，地主們玩追上，長實（０００１）、恆地（００１２）、新地
（００１６）、信置（００８３）揚１％；地鐵（００６６）兩鐵合併前景好似唔錯，獨立財顧
美人響股東函件露口風，話九鐵物業過去一年升值２８億銀，引起鑊鏟友興趣，掃高７％，真好
耐都冇試過咁好環境，?重佢?外母仲話再升高?就講「分手」，唔會再好似上兩轉咁錯過良機
喎。另邊廂，新世界（００１７）同恆隆（０１０１）各漲４％同５％。
小象（００１１）得到大摩讚許，話佢受惠拆息上升可拉闊息差，目標踢高到１４２蚊，下
晝跣低後好快起番身，收高１％；東亞（００２３）玩後勁，臨尾彈起１％。
＊減息有憧憬地主起勢追，基金吸油企個價無反應＊
北水細節仲傾緊，缸湖傳言滿天飛，但普遍估計門檻會提高，最低投資額可能去到３０萬人
仔，祖國Ａ場同國貨暫時無乜方向，深滬兩Ａ場靠穩，國貨場跌５１點，收１４２８６。
「六行」幾乎唔識郁，升跌１巴仙以內；「三保」到下晝就腳軟，齊挫約莫１％。
基金密吸石油股，細摩用億九銀買中石油（０８５７），荷蘭錢莊亦用兩億二買中石化
（０３８６），不過中石化仍走軟１％；中石油同中海油（０８８３）就靠穩。
中遠洋（１９１９）發Ａ股買乾貨船隊後，繼續攀高３％，炒到上廿蚊樓上，超過埋大摩新
目標１８﹒５蚊，睇落唔係咁適宜高追咯。
金價有勢向上突破，紫金（２８９９）再破頂，彈７％，直逼８蚊關口；招金（１８１８）
就漲３％；靈寶（３３３０）獨挫１％。
＊紫金頻破頂煤炭玩個別，內房吼二線聯洲被踐踏＊
股份多數玩個別發展，「煤炭三寶」入便中煤（１８９８）創新高，散場升４％；神華
（１０８８）原地踏；兗煤（１１７１）仲後退１％。
中通服（０５５２）食晏時派成績表，上半年賺多９３％有３﹒７億人仔，收高３％。
內房類別鑊氣移師到二三線，半新丁方興（０８１７）「綠鞋」全數行使，飄起１３％；保
利（０１１９）注資效應未炒完，續漲７％。
股仔場方面，中電能（０７３５）展現彈跳力，升番１２％；南華金融（０６１９）半年賺
逾億銀，勁升１３倍，加埋５股送１份權證，股價破頂式衝高３０％。
聯洲（００４８）繼續捱沽，花旗行狠心假設全部應收帳要撇帳，目標價得番２２仙，可憐
股價再瀉去２７％。
＊勞處招聘會三千七空缺，少飯平一蚊慳銀唔浪費＊
勞工處朝早?中央圖書館舉辦招聘會，提供超過３７００個職位空缺，由１１點至６點舉行
。未開門之前，已經有近２００人排隊。今次提供?職位空缺?自飲食業、零售、銀行同保險業
等，有九成半職位空缺月薪介乎５０００至１１０００元。
經濟好?，搵工容易?，但就樣樣都話加價，今日有風話九巴準備加價逾５％。九巴?邊就
話有加價壓力，但就未提出申請。隻載通（００６２）今日跌近１％，似乎連粉絲都唔鐘意佢加
價?！
潮流興環保，政府話每個膠袋徵稅５毛，超市同連鎖店又有無膠袋日。另邊廂，有環保團體
就同一個商場合作，將每個月?第一個星期三，訂為「少飯平一蚊日」。?參與計劃?１１間食
肆，落單時提出「少飯」，就會減收一蚊，而飯?份量亦會減少三分一，咁就可以慳錢兼唔浪費
?。請請！
如果您喜歡這篇文章，請按「讚」或分享給您的朋友，以示鼓勵。
