歌手AGA日前首次在廣州舉行演唱會，場外有「黃牛黨」炒飛，票價炒高兩倍，令她大感愕然。AGA找來同公司的Gin Lee（李幸倪）擔任嘉賓並合唱，AGA說：「每個人喺唔同時間都會遇到唔同嘅人，慶幸喺兩年前遇到Gin，合作咗兩首合唱歌，感恩喺音樂路上有呢位志同道合嘅好朋友。」而當晚AGA以電結他配合唱出《證據》，原來電結他大有來頭：「呢支係我人生第一支結他，由磨木到噴油，都係爸爸一手包辦，所以分外有意義。因為受爸爸嘅音樂薰陶，成就咗今日大家見到嘅AGA！」
AGA首次到廣州開騷，露腰會歌迷。
AGA廣州騷惹黃牛黨
江海迦（AGA左）日前喺廣州舉行演唱會，場館外有黃牛黨炒飛，AGA話覺得好愕然：「第一次喺廣州開演唱會，真係估唔到自己會咁受歡迎。」李幸倪（Gin Lee）擔任表演嘉賓，AGA話：「每個人喺唔同時間會遇到唔同嘅人，好慶幸兩年前遇到Gin，合作咗兩首合唱歌，好感恩喺音樂道路上，有呢位志同道合嘅好朋友。」AGA喺台上仲特登教觀眾讀自己個名嘅發音，笑住話好多人會讀錯佢個名。
撰文：馮仁昭
