藝人林秀怡熱愛烹飪，近年更開餐廳做老闆娘，今次應東網巨星節目《星級煮意》邀請，示範獨門秘方的「卡邦尼意粉」。她自言平時煮食不會盲跟食譜，反而會按喜好調整，才能做出自己最愛的味道。
林秀怡大讚卡邦尼意粉的材料及製作過程簡單。
林秀怡大讚「卡邦尼意粉」為懶人恩物，材料及製作過程相當簡單，適合忙碌上班族。談到與友人開西餐廳，她指為確保食物質素，需逐一試味以作改良：「因為我哋唔係跟食譜，所有嘢都逐樣自己試，之後有少少改良，連用嘅麵粉、鮮奶都要再調味，所以試咗好多次，先有依家呢種味道同質地嘅意粉。」
拿手菜箍實男友
問到兒時有沒有煮食的習慣？她自言過往煮食以填肚為主，沒有太深入鑽研，反而長大後對烹飪更有興趣。不過開西餐廳的她坦言偏愛煮中菜：「好似咕嚕肉、蒸水蛋呢啲住家飯。西餐簡單冇乜大變化，加上我係鍾意夾餸食飯嘅人，就算平時夜收工都會煲飯，再配溏心蛋食。」又自爆拍拖時為男友煮滿一枱餸，包括炒蜆、東坡肉及青紅蘿蔔湯等。
林秀怡不斷改良食譜，提升意粉的味道。
卡邦尼意粉陳倩揚：芝士粉、蛋黃增香味
「Cooking Mama」陳倩揚大讚林秀怡聰明，以芝士粉及蛋黃增加香味，但建議大家淺嘗為妙：「芝士同煙肉都係脂肪比例較高同較濃味，食完要食多啲生果，或者間唔中先食一次。」
《星級煮意》每集均請不同名人親自下廚，包括朱慧敏、胡琳及林泳淘等示範拿手菜，其他藝人將陸續登場！大家可隨時隨地在東網App及東網網頁收看及重溫。
卡邦尼意粉食譜
意粉、煙肉、忌廉、洋葱、蒜頭、芝士、芝士粉、雞蛋、油、鹽
1.水滾落意粉，煮8分鐘後備用。
2.炒香洋葱、蒜頭及煙肉，然後落忌廉。
3.再將意粉落鑊，然後加入芝士，煮至少許乾身即可上碟。
https://goo.gl/FuJ9Lj
文：專案組
