TVB上位小花真身江嘉敏初熟水著曝光

23歲宅男女神江嘉敏，近日在《誇世代》同張繼聰一段「大叔戀」，搞到網民日日追住睇；不過，外表純過蒸餾水的江嘉敏真身非如此，實情是卜卜脆17歲就做私影妹，三點式水著任睇微胖初熟身形，20歲更因拍電影被歌手曹震豪私有化。近日同王浩信拍攝新劇《兄弟》，江嘉敏更姣精現形，除咗姣黐人夫王浩信，對住班幕後更連環放電，有殺錯冇放過，名副其實TVB新姣霸！
撰文：東方新地

江嘉敏初熟水著曝光
江嘉敏拜去年《親親我好媽》純情學生妹形象所賜，成為新一代氣質女神，火速在網絡走紅，獲讚又pure又true，不過宅男女神真面目其實並不純情。在新劇《兄弟》升呢做女一，江嘉敏同男主角王浩信有唔少對手戲，最近就有工作人員爆料，指江嘉敏拍劇期間如同發電廠，逢佬必電。

江嘉敏拜去年《親親我好媽》純情學生妹形象所賜，成為新一代宅男女神，火速在網絡走紅。
江嘉敏17歲已經狂拍私影，做Model經驗豐富，不過水著晒身材就不常見，睇怕今次又令班宅男暈其大浪!

色誘張繼聰
在《誇世代》江嘉敏同張繼聰搞「大叔戀」，二人一場切磋武技戲份，背心拋胸的江嘉敏，胸壓張繼聰不特止，還用腳將男方夾到實一實，睇到班宅男熱血沸騰。


嗲爆王浩信食飯跟到實
據知情者透露:「套劇拍咗差唔多三個月，Kaman第一次做女一，佢同王浩信有好多對手戲，Kaman成日黐住Vincent(王浩信)，話搵對方研究劇本，叫Vincent教佢做戲，姣到出晒面，放食飯又跟到實，不過，Vincent因為同蔡思貝單緋聞搞到咁大，為保顧家暖男形象，唔想再生事端，對佢都好避忌。」日前江嘉敏同王浩信在TVB西餐廳拍攝新劇《兄弟》，戲裡戲外江嘉敏都好主動，拍完一個shot，就表情多多不停撩人夫王浩信傾偈。另一日外景，江嘉敏亦一有機會就撩男方傾偈，反而王浩信表現避忌。


電crew佬
除咗姣人夫，江嘉敏其實亦非常識撈，嗲功又了得，成功冧掂一班幕後。一名工作人員透露:「咪睇Kaman外表咁純情，佢好識得嗲人，除咗識得冧監製，更加冧到班Camera man、打燈佬、PA暈陀陀，大家都對佢特別照顧，出道咁短日子就咁襟撈，真係叻女嚟!」


恃住有煞食純情外表，江嘉敏拍劇期間就經常扮可愛，將班crew佬電到暈陀陀。有TVB幕後爆料，指江嘉敏拍《兄弟》狂放生電，就連PA都對佢特別照顧，不時扶出扶入。

17歲拍私影
中學讀嘉諾撒聖心書院，江嘉敏自小發明星夢，17歲已瘋狂拍私影同接拍微電影，她曾經自爆讀書時期，因做Model被同學排斥，更曾因此想過自殺。她曾大吐苦水:「當時覺得好多人都唔鍾意自己，壓力好大，有諗過死咗算!慶幸身邊有幾個朋友安慰我，先打消呢個念頭!」不過，原來這只是宣傳伎倆，之後反被舊同學踢爆她講大話，指同學間根本冇人排擠佢，但相信最令班宅男心碎，還是江嘉敏同歌手曹震豪16年拍《循序漸進》MV時撻著，為保清純女神寶座，玩地下情扮單身，純情只是流於表面！

《親親我好媽》中江嘉敏飾演中六考DSE的女學生，對常常扮演學生的她沒有難度。

激罕晒身材
近年忙於拍劇的Kaman，成為2017年Google人氣搜尋女藝人，其實佢曾跟《新假期》出過不少Trip，除了去文青feel嘅日本和台灣，仲去過馬爾代夫，大晒噴血身材呀！