Rachel面試時演男人角色，因導演一句話而改變演法。
梁雍婷現年24歲，她接拍《藍天白雲》時在浸大表演系仍未畢業，但被導演張經緯形容為「天才」。Rachel早前接受訪問，講到演弒親角色：「角色咁大難度好緊張，演嗰陣人生經歷唔太多。戲中呢個女仔好單純，以為殺咗父母，就可以過自己想過嘅生活。」她表示因角色性格，曾迷失過一陣子，好在排演的五個月裏，導演令所有演員都不覺得在演戲，她說：「大家都越拍越舒服，喺學校係容許你做得唔好囉，錯誤中學習。但電影有埋其他人，演戲亦唔係睇你一個，係睇你點幫對手，或者對手點幫你。」
Rachel拍《藍》片時因人生經歷不多，演戲時曾迷失。
張經緯講到跟Rachel面試時，揀了希臘悲劇《伊底帕斯王》給她演，張經緯說：「我係想睇到底有冇準備，雍婷係一個天才，佢做一個男人角色，開頭佢演得好man，我話唔啱，佢即場再演過，然後聲調全部改變晒，最後個場，兩行眼淚流出嚟。」
