藝人陳凱琳（Grace）與森美出席運動服裝品牌活動，蜜運中的Grace談及戀情時笑容滿面，她與男友鄭嘉穎剛去完加拿大度假，笑言旅途中更加了解對方，去試新餐廳令食欲大增，如今要多做運動保持身形，她指嘉穎Keep得好Fit：「佢要去上海拍劇，都需要保持番狀態。」
陳凱琳講起與男友鄭嘉穎去旅行，笑晒！
農曆新年Grace會留港及去行花市。問到會否到嘉穎家中拜年見家長，她說：「年年都有上去見Auntie嘅。（幾時改口叫媽咪？）唔知喎，冇咁快！（有冇向你催促或者暗示？）冇呀，佢見我哋兩個關係咁好，都好安慰開心。」
鄭嘉穎
陳凱琳旅行餵飽嘉穎
陳凱琳表示鄭嘉穎母親未有催婚，只叫她不要再瘦下去。
陳凱琳昨日和森美到銅鑼灣出席活動時，示範最新春裝，又即席以保鮮花做花火瓶。森美自嘲結婚多年，愛情已變粉紅色，陳凱琳冧爆指她的愛情是紅色。
剛與男友鄭嘉穎到加拿大旅行的陳凱琳，表示兩人在當地不停試新餐廳：「食多咗呀，飽滿呀，佢都係。」她透露男友到上海工作，農曆新年會返港，陳凱琳說：「我哋會互相去對方屋企拜年。」問到男友媽媽是否已視她為新抱？陳凱琳賣口乖說：「成日煲湯畀我飲，又會叫我保重，唔好再瘦落去。」至於何時改口叫對方做媽咪？她甜笑說：「未有咁快，佢冇催，見我哋咁好都好安樂啦。」
採訪：盧妹
攝影：陳慧安
