貝安琪收身必殺技

中德混血模特兒貝安琪（Ankie），與未婚夫Simon所生嘅兒子Sebastin，轉眼間已經八個月大。除咗忙住湊仔外，練咗瑜伽十七年、擁有瑜伽導師牌照嘅佢，日前仲做埋星級導師，跟內衣品牌搞咗兩場瑜伽班，親自教授粉絲。
產後嘅Ankie，始終做開瑜伽，收身話咁易。當日，佢早已回復未生前嘅fit爆身材，一個人對住廿名學生，教得頭頭是道；佢仲全程落手落腳，見到有學生姿勢出錯，即刻上前協助糾正。上完堂，班粉絲仲好興奮咁捉住佢「集郵」。Ankie向東姑坦言︰「呢個活動對我都好有意義，因為難得可以同粉絲一齊做我最鍾意嘅瑜伽，又可以傾下偈聯誼，拉近大家嘅距離。」佢又透露現已轉投Mandy Lieu嘅模特兒公司旗下，閒時也會互相交流瑜伽及湊仔經。課堂後，身為人母嘅佢急急腳趕返家湊仔，今時今日梗係有仔萬事足喇！

日前，Ankie化身星級瑜伽導師，親自指導粉絲做瑜伽，更逐一協助佢哋完成高難度嘅動作。



Ankie對自己身形要求高，產後八星期已重拾瑜伽，難怪咁快就瘦身成功。

因為囝囝喜歡出街，Ankie不時兩母子四圍去，更帶佢去超級市場買餸，一來親子，二來畀佢認識新嘅事物。

貝安琪想演喜劇未婚夫御准露肉

名模貝安琪產後全面復工，自言想嘗試不同類型的角色，特別鍾情喜劇，更自爆未婚夫Simon鍾意她性感演出！而兩人已計劃今年5月拉埋天窗，其夢想婚禮是在外國的沙灘舉行，但會在港補擺喜酒。

已為人母的貝安琪表示，拍動作戲會比以前更小心。

中德混血兒貝安琪（Ankie）為東網巨星節目「海馬牌床褥特約」《閨蜜睡房》擔任新一輯嘉賓，接受主持李惠儀（Kiwi）訪問，Ankie跟外籍未婚夫Simon育有1歲大的囝囝，全面復工的她希望接拍更多電影：「好多角色都想試，我特別鍾意喜劇，雖然動作戲都鍾意，但有咗囝囝之後會小心啲，因為唔想受傷。（性感演出呢？）都OK嘅，Simon會鍾意，因為佢好鍾意睇戲，佢大學都有讀電影攝影，對電影好有興趣。」

親子瑜伽被掹頭髮
講到Ankie的身形比產前還弗，一直有做瑜伽的她笑說：「冇Keep，湊仔仲食好多嘢，因為佢好重，要成日抱佢，又要跑來跑去，我仲會同囝囝一齊做瑜伽，不過佢成日掹我啲頭髮，我依家都要開始教佢唔可以咁做。」談及與未婚夫的相處之道，Ankie指兩人想法相似，喜歡溝通及一起解決問題，亦會盡量在事業與家庭間取得平衡：「每個周末，我哋一定要有家庭樂。」

貝安琪同Simon每個周末，都會與囝囝享受家庭樂。
貝安琪向Kiwi分享親子樂事。
貝安琪自爆未婚夫鍾意佢性感演出！外國沙灘行禮
Ankie跟Simon已計劃今年5月正式註冊結婚，Ankie的夢想婚禮是在沙灘舉行，但她笑言不會穿比堅尼。不過媽媽劉香萍思想中國化，希望她擺酒宴客，所以計劃在外國沙灘行禮後，再返港補擺喜酒。Ankie笑言目前她有兩個男人，又大爆每晚與未婚夫都有必做的事，想知道就記得本周五、六、日留意東網巨星的《閨蜜睡房》！

文：音樂組

中德混血名模貝安琪（Ankie）亮相最新一集東網巨星節目「海馬牌床褥特約」《閨蜜睡房》，她表示未婚夫Simon非常支持其工作，因為Simon媽媽都是工作狂，她說：「我覺得做咗人媽媽都要有自己嘅生活，唔好成日黐住小朋友，如果成日屈喺屋企都會癲，所以要做吓瑜伽、按摩吓叉電。」她大讚未婚夫是個浪漫又貼心的人，在她懷孕期間，不時烏身為她着鞋，Sweet到爆。

貝安琪向主持人Kiwi透露，每晚都一定要着襪瞓覺。
貝安琪雖然忙湊小朋友，但仍會抽時間做瑜伽。

Ankie又與大家分享睡覺小秘密，自爆有穿襪瞓覺的習慣，更自覺此習慣非常Sexy，她笑說：「着襪瞓覺可以保暖，咁樣先瞓得舒服，冬天、夏天我都會着，其實一年365日都會着。」想知道更多Ankie的小秘密？即刻上東網App及東網網頁收睇及重溫《閨蜜睡房》啦！

貝安琪大讚未婚夫為人浪漫。

文：音樂組