大台早前出限奶令，搞到一眾咪神失波場，冚晒旗。反之大台咪神元祖梁雪湄，近日解封收埋近廿年的G Cup噴血身材，一發球，成班後輩通通借歪！
絕跡幕前多年，年屆40的梁雪湄愈熟愈索，全賴拍拖三年的老外男友滋潤，加上生意上軌道，閒時做埋旅遊blogger，活得逍遙自在，全無限奶包袱。
今年
98年，當年21歲以「電波少女」身份影水著，但樣貌竟然老積過依家。
G奶見真章
近代咪神有高Ling、張秀文及剛冒起的張曦雯同陳偉琪，要數大台咪神元祖，非九八年八個大台新女組成的「電波少女」，上圍最澎湃的G Cup梁雪湄莫屬。
一三年梁雪湄淡出幕前，轉型從商，開美容院、投資華星冰室，近年更當上旅遊blogger。雖已屆四張，但樣貌、身材都零走樣，冰封近廿年的噴血三圍在旅遊相強勢回歸，唔使加墊見真章。
「當年著泳衣做節目，其實係好驚。」咪神元祖梁雪湄說。
40歲零走樣
昔日出道被指貌似黎姿，今日成熟咗又瘦咗，依然有幾分似對方。
已屆中女的她，keep住腰幼胸挺，個樣仲要無添加，喺娛圈買少見少。
當年「電波少女」照公司order性感上陣，不過對比今日大台節目《3日2夜》，真係濕濕碎。
焗做電波少女
時代唔同，今時今日大台姐仔爭住晒泳照求「脫泳而出」，但元祖梁雪湄當年接公司order行性感，焗住頂硬上。直至人到四張，先有勇氣著三點式去沙灘享受陽光。
「當時冇諗過入TVB要著泳衣，如果想就走去選港姐，當時根本唔敢喺人前著泳衣，無呢份自信，所以先揀入藝訓班。點知入行無耐，就被安排加入『電波少女』，第一日開工去到現場，先知要著健身舞衣，無辦法啦，已經簽咗約（藝員約），惟有照做，但驚㗎！初初見報導出街，好介意人哋眼光淨係對住我胸，又驚俾人定咗型行性感。試過有人話：「你哋定咗型㗎喇，嗰時真係有唔開心，好在之後喺TVB拍咗好多唔同類型嘅劇。」
老外男友拍拖三年，梁雪湄：佢令我學識relax
溝通查字典
在娛圈活躍期，感情一直是梁雪湄的話題禁地，曾跟張栢芝胞弟張柏文傳過緋聞，近年俾人影到與中年男士有約，但原來她的真命天子不是港男，是老外。
「佢係歐洲人，一齊咗幾年，我之前冇諗過同外國人一齊，因為怕文化上夾唔嚟。初初拍拖，我英文冇依家咁好，同佢WhatsApp，我要用手機字典，所以覆佢一個短訊要花三十分鐘，哈哈！佢工作周圍飛，好少喺香港，所以好多時我陪佢飛埋。」
兩個有冇因文化差異影響相處？「佢好鍾意東南亞美食，飲食習慣冇乜大礙，唯一外國人作風比較relax，我就係好典型香港人，比較性急，呢個位需要磨合，慢慢我俾佢感染學識做人relax啲，所以近年我好享受去旅行。」
唔識煮飯洗衫全單照收
老外男友的包容，是征服咪神的關鍵。「佢每個月都送咭俾我，會寫上關心說話。有次我發現佢廚櫃啲日用品放晒喺低格，後來我先知佢遷就我細細粒身形，怕我一個喺屋企要擒高攞嘢唔方便。雖然係好微小嘅事，但睇得出佢重視我所有。佢從來唔介意我唔識煮飯、洗衫，有次我煮牛肋骨，佢知我花咗好多時間同心機整，就猛話好食，但其實咬極都咬唔開，我一試先知塊肉硬過皮鞋。但佢依然話：『It's ok！』就算將佢件衫洗到縮晒水，佢唔會嬲，都係一句『It's ok！』。」
人大了閱歷多咗，梁雪湄說有機會再拍劇的話，會handle到內心戲：「依家可以話喊就喊。」
她有份投資華星冰室，生意穩定，有機會拍劇的話，相信她只當玩票性質。
過往被影到與中年男士行街，都唔係真命天子。
愛跟男友周遊列國的梁雪湄，試過一個月飛六個地方，近年更當上旅遊blogger，分享各國文化及飲食心得。
在愛爾蘭踩住單車環島遊。
克服畏水的她，成功考到潛水教練牌，名副其實魔鬼教練。
在大台的代表作，有《陀槍師姐》的「四喜」。
變旅遊blogger
在羅馬浴場留影。
閱歷多交到內心戲
當年她在大台代表作，有《陀槍師姐》的「四喜」，《棟篤神探》演盧海鵬的情婦。○九年，她自覺在大台冇用武之地，選擇過檔ATV。「一間電視台咁多人，未必人人都有發揮機會，分派嘅角色既然冇咁多發揮，就覺得係時候試吓其他嘢。咁啱當時ATV搵我，咪過去試吓主力做主持，同袁文傑拍檔，多謝『游生』教我好多嘢，佢超nice超靚仔。」
咪神元祖keep得好，有冇諗過復出拍劇？「幾年冇拍，都想拍吓。年紀大咗閱歷多咗，我覺得依家拍劇會演到多啲內心戲，以前拍《真情》時，要喊但喊唔出，好多戲都流於表面。」梁雪湄說。
在大台神劇《棟篤神探》，演盧海鵬情婦，幫他打壯陽針一幕，唔少網民回味。
05年出席台慶頒獎禮，當時大台姐仔唔興倒奶，稍為露吓事業線的，只有前排胡杏兒。
同陳展鵬係大台藝訓班同學，仲一齊去登台。
同陳展鵬同屆
18歲入行，屬95年無綫第七期藝員訓練班的梁雪湄，同屆同學有陳展鵬、劉愷威、吳家樂及陳彥行。98年與姚樂怡、李思蓓、任港秀等組成「電波少女」，因為擁有36G身材令她成為焦點。
雖然樣貌清純，身材驕人，但入行多年星運平平，大多飾演問題少女角色，佔戲不重。要數出位之作，都是《陀槍師姐》中做滕麗名細妹「四喜」及《棟篤神探》中飾演盧海鵬情婦，為男方打壯陽針。
劉愷威
吳家樂
撰文：娛樂組
攝影：蕭敬漁
唔使限奶，大台咪神元祖，梁雪湄GCup解封
