葉偉信因16歲時喪父，影響他的作品都以「食飯戲」滲進家庭觀。
葉偉信執導的《殺破狼．貪狼》講述因果故事，他日前受訪時說：「如果惡人冇惡報仲慘！」葉偉信以往的作品，慣以「食飯戲」滲進家庭觀，《貪狼》就以三場女兒的生日戲串連，他說：「我16歲時爸爸唔喺度，其實幸福唔係一定係咁，所以我先寫好多呢啲家庭戲。」
電影由洪金寶負責武打場面，葉偉信認為拍攝難度不算太高，反而最頭痛是演員受傷的問題，他說：「Tony Jaa因為跳得高得滯，撞咗上個頂度，要即刻去縫針！古天樂都可以做到一拳一腳，最緊要佢努力做，出嚟效果係好好嘅。」
此外，葉偉信早前和林家棟接受奇妙訪問宣傳《貪狼》，家棟坦言沒信心做導演崗位：「壓力太大，雖然我之前都做過監製，但驚自己有盲點，我都係做番演員！」
採訪：何永寧、馮國康
from:
http://hk.apple.nextmedia ... 170821/20127482
