張曦雯打機狂爆粗

1^# 大中小 young 發表於 2017-7-30 18:45 發短消息

張曦雯（左）與馮盈盈在台上打機時，表現肉緊。

張曦雯（Kelly）與馮盈盈昨日現身灣仔動漫節，出席PlayStation活動，她們在現場比賽打電視遊戲，盈盈大勝Kelly，盈盈說：「平時都有同男友一齊打，係投其所好，不過完全唔夠佢打。」

Kelly為了比賽苦練五日，還要招攬身邊男士教她打機。問到激烈時會否爆粗？Kelly笑說：「避免唔到，喺屋企打都流晒汗同爆粗。直播都好似有，我唔係專登，我諗大家都係想睇我哋嘅真性情，控制唔到。」

採訪：羅慧敏
攝影：仇志德
from:http://hk.apple.nextmedia ... 170730/20105905

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2017-12-13 15:22 發短消息

張曦雯獲「馬神」教路

前華姐冠軍張曦雯（Kelly），加入無綫短短五年，由初時喺明珠台做主持，到後嚟開始拍劇，更被安排入訓練班進修演技，近日仲有份拍新劇《跳躍生命線》，做馬德鐘（「馬神」）女朋友，聽聞出年佢又會拍新劇，備受力捧。

日前，Kelly同「馬神」喺將軍澳拍外景，劇情講述佢陪「馬神」同個細路女去揀泳衣；之但係，個細路女都冇乜意見，結果Kelly替佢揀咗件一件頭，結果兩take拍完。拍攝期間，仲吸引咗唔少街坊圍觀。

事後，Kelly就同東姑解釋：「今次係我第二套劇，『馬神』好好人，我係新人，好多嘢都唔識，但佢都好肯花時間同耐性，同我分析，所以我好開心。」而據知，其實Kelly嗰日係帶病上陣開工，雖然睇完醫生，但都係鼻塞兼聲沙沙，拍完仲要趕飛去澳洲拍旅遊節目。所以，佢唔單只係「打機女神」，仲係拍劇鐵人！

日前，張曦雯同馬德鐘現身坑口商場嘅泳衣店，為《跳》劇拍外景，Kelly 大讚對方落力教新人。

埋位前，「馬神」邊同Kelly對稿，邊帶領佢入戲，兩take便快速完工。

拍攝期間，Kelly幫「馬神」劇入面個女，喺舖頭入面揀泳衣，一下子就揀啱對方嘅心頭好。

有街坊搵佢哋集郵，Kelly都冇托手踭，同小演員齊齊大方合照。

劇入面係車房員工嘅Kelly，拍攝前佢表弟都有教佢揸電單車，做足功課。

TOP

著數優惠交流網 » 影視、娛樂交流區 » 張曦雯打機狂爆粗