貝安琪一樣未婚生B瑜伽Friend簽Mandy同母失和

貝安琪與囝囝練習瑜伽動作時，囝囝十分配合，還笑到卡卡聲。攝影：陳慧安
【《蘋果》專訪】貝安琪今年初為男友Simon未婚產子，囝囝Sebastian接近四個月大，當了全職媽媽一段日子。她積極瘦身重投工作搵奶粉錢，選擇簽約好友Mandy Lieu旗下，和母親劉香萍結束多年工作夥伴關係。

在德國讀書時貝安琪已經常做保母，對湊B十分熟手。

過往每逢貝安琪現身，母親劉香萍（左）總會做貼身經理人。資料圖片

貝安琪（右）和Mandy（中）當模特兒時已經是好姊妹。資料圖片
不顧一切產子

貝安琪帶着囝囝練親子瑜伽，在事業及家庭中她選擇為愛犧牲，不顧一切產子，當時和母親意見分歧，貝安琪感觸說：「有事業之際去生BB，𠵱家冇晒事業，我聽到都嚇親，好唔開心，媽咪覺得我冇BB會好啲。𠵱家我已經有自己家庭，想行自己路，獨立做自己嘢。」

回想當時母親希望她繼續工作，以博取更大知名度，對貝安琪是最大的人生交叉點，她坦承現在比以前開心：「媽咪係幫我好多，但係too much，我覺得好辛苦，亦有壓力，𠵱家大家都feel到我開心咗。」

一個任性的決定，換來母女決裂局面，生B後母女割席兩個月，貝安琪不禁眼濕濕說：「完全冇同媽咪傾偈冇通電話，我關心同愛護佢，但唔想同佢鬧交，所以畀啲距離大家。」

減肥影婚紗相

現時老公Simon和媽咪關係如何？貝安琪說：「OK啦，媽咪唔開心我哋未結婚，佢好傳統我明白，我喺歐洲長大，覺得唔需要結婚住，𠵱家我哋有計劃遲啲先結婚，自己身形又未ready，我都想影輯靚相，同老公一齊減肥，媽咪聽完滿意啲喇。」不過現時母女已重修關係。

提到好友Mandy，貝安琪指二人同是混血兒和瑜伽之友，更一樣當了媽媽，貝安琪說：「我哋以前成日合作，近期未正式見面，見到一定會交流一下湊B，知道佢有兩個小朋友，收身收得好快好厲害。」

採訪：卓寶花
瑜伽服裝提供：Pure Apparel
場地提供：Pure Yoga
from:http://hk.apple.nextmedia ... 170620/20061503

貝安琪正努力減肥，希望以最弗身形披嫁衣。

貝安琪（Ankie）和陳昭昭昨日到觀塘出席《2017中華才藝小姐國際大賽》啟動禮，兩位將會擔任選美評審。貝安琪兼任導師教佳麗catwalk訓練，她認為選美佳麗最重要有個性，身材只是其次。近年選美湧現改造女性，貝安琪說：「我冇整過容呀，我覺得做演員自然啲好，老啲咪殘啲囉，至於選美就要睇吓個樣先。」

貝安琪已經生完BB六個月，最近她停止餵人奶，目前為了開工和結婚當天，披嫁衣時能回復美好身材，正和男友減肥，計劃婚禮會中西合璧亦會穿傳統裙褂。此外，早前貝安琪被拍到湊住BB去pub，她解釋：「歐洲人好多都係，我唔想成日同BB留喺屋企。」

採訪：卓寶花
攝影：陳俊強
from:http://hk.apple.nextmedia ... 170801/20107650

貝安琪與未婚夫欣賞舞台劇，明艷照人。

貝安琪（Ankie）和外籍未婚夫Simon van Damme前晚在灣仔演藝學院欣賞舞台劇《喜劇甩轆王》，Simon見到記者表現怕醜，合照完即閃。Ankie透露正籌備婚禮，決定明年在外地舉行，不過會返香港補擺喜酒。Ankie被問是否經常撇低兒子過二人世界？她說：「今晚係囝囝出世七個月以嚟嘅第三次，有保母睇住，都有少少唔捨得，平時做嘢都有人照顧，陪住囝囝。」

Ankie又表示不介意一家三口拍廣告：「之前幫本親子雜誌影封面，拍廣告我都唔介意，阿仔好鍾意影相，識擺甫士。」

採訪：羅慧敏
攝影：沈健程
from:http://hk.apple.nextmedia ... 170921/20159062