向華光家人昨日在紅磡世界殯儀館為他設靈。
中國星老闆向華強的五哥向華光上月19日因病去世，終年74歲。其家人昨日在紅磡世界殯儀館為他設靈，喪禮以基督教儀式舉行。
向華光的兩位兒子展威、展邦一早已到場打點，並接受傳媒訪問，展威表示：「媽咪過咗頭嗰段日子，都正常生活，心情平復，我哋會照顧媽咪。」問到亡父有甚麼遺願，他表示：「冇乜特別，走得好安詳，佢都無憾一生。」問到父親有甚麼遺訓，他表示：「佢教我哋與人為善，知足常樂。」
向展威（左）及向展邦昨一早到靈堂打點，更指媽咪心情已平復。
向華強夫婦昨晚抵達靈堂送別向華光。
作為弟弟的向華強與太太陳嵐於晚上7時抵達，提到五嫂心情，向太表示：「因為前年2月開始昏迷，都18個月冇醒過，大家有心理準備，唔係突然間。」提到難忘事，她表示：「知佢以前係教書，好好人，未昏迷前已經用咪擺喺喉嚨講嘢。」對於夫婿幫手醫療費，向太表示：「我老公就係咁嘅人，幫到一定幫，同一個阿媽，佢係大哥，醫生都係我哋朋友介紹，我哋幫到嘅係錢。」
採訪：盧妹
攝影：沈健程
from:
http://hk.apple.nextmedia ... 160820/19743172
