謝賢(四哥)、佘詩曼及麥明詩等近日在深圳拍大台劇《賭城群英會》,四哥日前坐車開工途中發生交通意外,他昨日受訪說:「內地啲人揸車真係亂嚟。撞車時我咁啱冇戴安全帶,又瞓著咗,撞時我碌落地。原來左邊有條肋骨裂咗,我返咗香港睇醫生。」同劇麥明詩都因哮喘回港看醫生,她昨日短訊回覆:「好小事,第二日我都有繼續開工,多謝關心!」
王賢誌、周汶錡等昨日齊齊參觀東華文物館古蹟。攝影:陳順禎
此外,王賢誌、林作、周汶錡及韓君婷等,昨日到廣華醫院參觀東華三院文物館古蹟。館內其中一牌匾出自謝賢祖父謝焜彝之手。王賢誌說:「想搵四哥嚟支持,但佢遇車禍,相信霆鋒、婷婷都未見過呢個牌匾。」林作提到女友麥明詩哮喘病發:「佢好番先話我知。」
採訪:陳傑、卓寶花
from:
http://hk.apple.nextmedia.com/entertainment/art/20160609/19646554