做事火爆衝動、經常因小事與人發生爭執，甚至動輒就要辭職，未必係性格衝動咁簡單。精神科專科醫生黎大森表示，上述表現屬於「衝動控制障礙」(Impulse control disorder)問題，可以與不同疾病有關，常見由情緒病引起。另外，專注力不足或過度活躍症、濫用藥物、有反社會人格障礙等人士都是高危族，不容忽視。
記者：梁麗兒
「佢哋(有衝動控制障礙)最容易係公眾地方同人大吵大鬧，為咗小小事就反應好大，返工被人鬧兩句就要辭職，講兩句唔啱聽就要去死，甚至失常通街派錢」。黎指，臨床上最常見是因躁鬱症、抑鬱症等情緒病引起，曾有求診病人因躁鬱症變得衝動，當狂躁發作時，因無法控制購物慾望，導致成為購物狂，不斷瘋狂購物，例如「同一樣嘢買曬所有顏色」，也有病人要借錢10多萬元，購買同一品牌的衣服，幾乎買盡店舖的衣物。
若懷疑身邊人有衝動控制障礙，黎建議先多瞭解對方，或安排最相熟的朋友或可信任的人傾談。如當事人情況越來越差，例如對方同時有其他情緒症狀，如情緒容易波動、失眠或「瞓得少」、對聲音敏感、亂花錢，或「覺得自己好叻，唔易接受人哋嘅意見」，甚至愛揸快車、容易與人打架等，都可能患上躁鬱症，宜陪同往專業人士求助，如醫生、社工或心理學家，現有藥物及行為心理治療都可提供協助。
黎指，一旦發生衝動火爆場面，切忌正面衝突，或向對方講道理、鬥惡，最好讓對方獨處及冷靜，如情況危險，宜先疏散人群、藏起利器，甚至報警處理。
【衝動控制障礙或出現的表現】
‧情緒容易波動無法控制
‧容易在公眾場所與人吵鬧，甚至打架
‧經常因小事與身邊人發生爭執
‧對事情的反應比正常人大
‧返工被人鬧兩句就要辭職
‧「講兩句就要生要死」
‧曾企圖自殘
‧酗酒
‧病態賭博
‧瘋狂購物、胡亂投資
資料來源：精神科專科醫生黎大森
from:
http://hk.apple.nextmedia ... 160422/19581811
