港人愛煲老火湯，但在營養學角度，老火湯材料經長時間及高溫烹調，營養會逐漸流失，故老火湯營養價值不太高。註冊營養師潘仕寶建議愛飲湯的市民，平日不妨多滾湯，可「食埋未變韌嘅湯渣」更佳、更慳，如冬瓜瘦肉薏米、蕃茄薯仔三文魚湯。
潘續稱，中國人愛在老火湯加入豬骨，希望「以形補形」，惟豬骨的鈣質本身不容易在水中溶解，故市民飲用豬骨湯未必達到此效用。加上傳統常煲的豬骨湯、連皮雞湯等，飽和脂肪均較高，長者、長期病患者不宜經常飲用。
她推介市民可在家簡單滾湯，因為煲湯時間不多於1小時，湯渣不會變老變韌，故適合食用。例如蕃茄薯仔三文魚湯、紫菜豆腐肉片湯、豆腐魚尾湯、冬瓜瘦肉薏米湯等。飲剩的湯水及湯渣又可以用作煮米粉、煮麵的湯底，毋須浪費。
記者梁麗兒
from:
http://hk.apple.nextmedia ... 160316/19531887
