現年60歲的導演爾冬陞近日爆出秘密做老竇兩年，他昨日被追問時起初不欲多講，及後才分享老來得女的感受。他坦言新生命開始時，一度接受不到及震驚：「睇住個女令我有驚喜，重新學習好多嘢！」並計劃安排女兒返港讀書。
爾冬陞
導演爾冬陞（小寶）、惠英紅與林家棟昨日到紅磡，出席《ViuTV x 第37屆香港電影金像獎頒獎典禮》記者會，宣布ViuTV成功奪得免費電視的獨家直播權，金像獎協會董事局主席爾冬陞否認與無綫合作不愉快：「前兩屆好精彩，但呢個係政府資助要投標，價高者得！」
小寶被追問「秘做老竇兩年」，他坦言感受甚大：「我媽未過身前，我已經決定唔要小朋友，想追求自由，窮一生想掌控自己命運，但發覺做唔到！我對前妻羅曉文有遺憾，行唔到最後。新生命開始嗰陣，我接受唔到同震驚，但既然嚟到、解決唔到，就要面對、反思同處理，人生意義係乜？好迷惘！可能上天想畀責任我，令我有新體驗。睇住個女令我有驚喜，重新學習好多嘢，佢25個月大，講出嚟係因為依家大啲，我都會帶佢出去玩，始終都要講，個女揸外國護照，年底會返香港讀書。（女友係傳過緋聞嘅內地女演員王婷？）一定唔係！係圈外人，但我唔想曝光，佢喺內地住。（年輕過你好多？）留番下集先講啦！」
小寶貝女曝光
爾冬陞與女兒嘅BB樣似到餅印一樣！
惠英紅與林家棟講到明唔會投票畀自己，以表公平。林家棟想做老竇：Dry到爆！
小寶哥哥秦沛接受電話訪問，指家人都戥弟弟開心：「細路女好乖、好得意。（幫小寶守咗兩年秘密？）冇話守唔守秘密，呢啲佢私人事，唔會對外周圍講。（見過小寶女友？覺得佢點？）呢啲留番佢自己講。」
黃心美以性感打扮擔任記者會主持。
大會宣布由ViuTV直播《金像獎》的盛況。
至於惠英紅與林家棟恭喜小寶做老竇，惠英紅說：「我同小寶講，仔細老婆嫩，唔可以咁放肆！」家棟則說：「我頭先至知，之前開會冇人講過、提過，冇人知！（幾時到你爆出做咗老竇？）我都想爆吓，Dry到爆就有！」兩人又表示有份參與金像獎提名投票，但為表公正，決不會投票給自己。
文：影視組
升級老竇接母女回港
爾冬陞恨帶囡囡去迪士尼
小寶完成明年的金像獎頒獎禮後，便會交棒給下一任主席。
香港電影金像獎協會主席爾冬陞（小寶）、應屆金像影后、影帝惠英紅及林家棟昨日在紅磡出席「ViuTV X金像獎頒獎禮」記者會，宣佈ViuTV取得「第37屆金像獎頒獎禮」免費電視獨家直播。小寶認為今屆同以往幾屆沒有大分別，ViuTV有充足經驗應付。他透露今年會有新主持人，待完成明年頒獎禮就會離任。入圍名單將於下月6日公佈，4月15日舉行頒獎禮，ViuTV直播外，收費電視將由衛視電影台獨家直播。
對於前日報道60歲的小寶前年榮升人父，囡囡Teresa已兩歲大，他有備而來直言一直追求自由，所以沒想過要小朋友：「我覺得有啲事係突發，好似係同我太太發生嘅事件，細節我唔想講。我對前妻（羅曉文）有遺憾，呢個冇辦法。兩個人相處唔係一定耐就越行越近。」
小寶囡囡遺傳家族演藝細胞，七情上面表情多多。
小寶專登將囡囡Teresa（右）的相跟自己小時候拼在一起。
「希望唔好咁曳」
對於新生命，小寶由起初不接受，到覺得是上天賦予的責任，新的體驗。小寶說：「見佢成長過程都有驚喜，我由以前唔係好想要細路，到𠵱家完全接受。希望唔好咁曳，𠵱家25個月大。」他透露太太為圈外人，盡量不讓母女曝光。囡囡目前在內地，今年底前會搬到香港，他說：「雖然有外國護照，因為唔想避，我要帶佢行玩具舖、去Disney。」當問到跟太太年齡差距時，他笑言有機會再講。
黃心美為昨日的記者會擔任嘉賓。
應屆影后惠英紅（左三）及影帝林家棟（右一）出席ViuTV的記者會。
惠英紅已恭喜
惠英紅接受訪問時透露對入圍隨遇而安，講到過往擔任金馬獎評審經歷，她表示要在十一日內看百多部電影：「鍾意睇就唔覺辛苦，不過討論會有爭吵，有時都有火藥味。」她亦恭喜小寶，更叮囑要保持狀態，始終「仔細老婆嫩」。林家棟表示在台上已恭喜小寶，自己亦是這兩天才知道。
採訪：張俊銘
攝影：林賓尼
