黎明Leon美國踎街食薄餅

天王Leon食薄餅醫肚，不介意周街踎。

黎明（Leon）最近忙到爆，除了要為下月在中環摩天輪側舉行的4D演唱會做準備，還要為內地真人騷《非凡搭檔》拍攝。昨日香港時間下午1時左右，Leon在facebook貼了一段他坐在洛杉磯街頭食薄餅的相，然後留言：「LA酒店星期日餐廳休假！連room service也休假！」Leon在片中解釋：「酒店冇room service，聽朝早機西雅圖，街邊食啦！快手吖嘛，4點鐘出發喇，香港食唔到吖嘛！」

另外，Leon下月舉行的演唱會，昨日終於公開售票，不過只賣$1,980及$980兩款，樂迷想坐價值$2,980的VIP就必須「用自己的方法」入場喇！

撰文：李察
from:http://hk.apple.nextmedia ... 160308/19520363

黎明表示從不介意被封金句王，更自認「有啲怪誕」。

黎明（Leon）下月28日會在中環海濱摩天輪旁搭建超大型舞台，舉行一連六場大玩4D元素的演唱會，Leon日前受訪時表示：「今次場地係分四個獨立組件砌成，四面觀眾都見唔到大家，每邊可以坐1,000人左右，出嚟嘅視覺效果好好。」有指今次演唱會製作費超大，問Leon可擔心蝕本，他不太介懷：「可能會㗎，但係唔緊要啦，試吓新科技嘛！」

Leon指今次演唱會以4D為主題，場內會散發香味，更表示今次在演唱會都會跳舞：「唔可以唔跳嘅，唔跳太過份，不過今次dancer會跟我跳，我唔會跟佢跳，總之我唔會做冷血嘅木頭，會排幾隻（舞），證明我嘅實力！」

Leon演唱會舞台曝光，場內共分四區，每區觀眾都會被大銀幕包圍。

近日Leon熱衷玩facebook，他笑說：「公司同事話我再唔開facebook就out，再唔做就入棺材封棺㗎喇！」他表示一定不會講挑釁說話，也不介意被人鬧：「冇所謂啦，都唔會日日睇，你估真係好得閒？」更笑言叫他阿叔都唔介意。至於被封「金句王」，Leon承認自己「有啲怪誕」，但覺得只要大家用不同視野看，想法會不同。

採訪：草津
from:http://hk.apple.nextmedia ... 160316/19530721