四太（右）前晚喺活動上獲細女超欣送上香吻預祝55歲生日。
賭王何鴻燊四房太太梁安琪前晚帶住超盈同超欣兩個女，出席喺中環四季酒店舉行嘅「2016芭莎藝術玄如之夜」。噚日係四太嘅55歲生日，佢喺現場獲超欣好乖咁攬住媽咪錫錫預祝生日，四太冧晒！
賭王 資料圖片
超盈一早喺英國準備咗生日禮物畀至愛嘅媽咪。
低調慶祝
四太每年生日都係好低調咁過，今年都唔例外，佢都係打算一家人簡單食餐生日飯慶祝，而佢嘅生日願望都係一樣，就係祝願賭王身體健康，佢話：「希望細路仔、最緊要係何生身體健康，錫我多啲、錫小朋友多啲，個個都大、成熟，最緊要讀書好，做嘢有成就。」講到讀書好，梗係要提吓細仔猷君成為最年輕麻省理工金融系碩士生，四太好謙咁話好彩，仲話個仔係遺傳咗賭王嘅DNA。超盈就話之前喺英國買咗份禮物送畀媽咪，最近亦有留意藝術展，啱嘅就會再買畀媽咪。
另外，同場嘅李彩華話自己鍾意畫畫，試過畫畫嚟拍賣，仲有成10幾萬佳績，希望將來可以搞畫展。
撰文：馮仁昭
馮仁昭
from:
http://hk.apple.nextmedia ... 160324/19541918
