杜汶澤、黃秋生及王宗堯主演的黑社會電影《選老坐》，被電檢處指片名有黑社會用語成份，因而要改名為《選老頂》，阿澤昨日接受電話訪問時表示，雖然新名不及舊名有氣勢，但基於大石砸死蟹，惟有改名遷就，他說：「平時有睇開貴報報導，知道黑社會有選坐館，『坐館』係黑社會用語，但唔知『老坐』都係。電檢話問過啲黑社會專家，話係黑社會用語喎，咁電檢嘅嘢，我真係識條鐵咩，佢哋話點咪點囉。」
阿澤透露片名是由導演邱禮濤跟自己度出來，新名當然不是最好。他覺得年輕時有很多黑社會電影，但為了迎合內地市場，因此少了製作，有見及此再興起拍《選老頂》的念頭。其實香港電檢似乎有倒退情況，以往戲名《跳灰》（賣白粉）、《出冊》（出獄）、《文雀》（扒手）等都屬於黑社會術語，但照樣可以通過。
採訪：李森
from:
http://hk.apple.nextmedia ... 160225/19504197
