女子組合B.Gs前創組成員、現轉任經理人的袁凱茵（Creamy），前日下午在油麻地寓所外出時，遭一名陌生男子淋油、掌摑及恐嚇，幸好同行男同事馬上追趕把疑犯制服，並交警方處理。
現年38歲的Creamy前年跟方堯（Yona）、柔雅晴（Kavi）及周汶希（Jovi）組成B.Gs，其後Creamy轉當經理人，而Kavi則升呢老闆娘，後來團隊加入兩新女，分別是鄒莉盈（Ceci）及宋英秀（Onna），但最近公司網頁公佈Onna退隊，由霍柔心（Riley）頂替。Creamy昨在老闆娘Kavi陪同下在將軍澳接受訪問，Creamy說到激動處更不禁落淚，她昨晚再到尖沙嘴警署落口供。
B.Gs經理人Creamy前日遭人淋油、恐嚇和掌摑。資料圖片
女子組合B.Gs近兩年不停換血，Creamy（中）是出道成員，現已轉職經理人。資料圖片
Creamy（右）昨再到尖沙嘴警署落口供，老闆娘Kavi也陪同前往。
猶有餘悸
Creamy回憶前日被淋油情況，猶有餘悸，她說：「前日晏晝12點幾，我落樓下會合同事，準備搭的士出席一個春茗活動，點知等車時，突然有個戴口罩男人行近，佢摑咗我左臉一巴，跟住對方右手拎住紙杯嘅油就向我塊面潑過嚟，我嚟唔切反應，嗰個男仔潑完油就跑走咗。」Creamy同行男同事馬上追趕，並報警求助，警方指疑犯行兇動機可能與桃色及合約有關，Creamy說：「平時我同人冇結怨，可能係同舊同事合約糾紛有關。」
Creamy即由警方安排送院檢查，她說：「紅油入眼，有少少發炎，醫生幫我清洗咗眼睛嘅油，至於面同身上油漆就用橄欖油慢慢抹。」Creamy昨日即使有化妝都難掩一臉憔悴，她說：「搽咗粉好啲，但皮膚出咗紅斑。今日仲好驚，出入都好怯，好擔心唔知仲有乜嘢會發生，因為當時個男人恐嚇話下次『隊冧我』，因為同事同B.Gs成員成日嚟我家開會，萬一有事發生佢哋都嚇親，我個心會好唔舒服，我會考慮搬走。」Creamy越說情緒越激動，甚至哭起上來，老闆娘Kavi全程力撐兼安慰。
採訪：陳傑
攝影：陳俊強
from:
http://hk.apple.nextmedia ... 160219/19496569
