黃修平一見麵上枱即起筷，反而黃太「入鄉隨俗」，畀相機食先。
導演黃修平於大前晚7時許，拖日籍老婆到灣仔星街撐枱腳，兩人在麵舖坐低等食期間各自玩手機，似搭枱多過拍拖。直至兩碗麵上桌，黃修平即起筷醫肚，老婆就手機先食，影完相才開餐，此時兩人雙眼終於離開手機望實對方，邊食邊傾有交流。
約一小時後，由黃修平負責埋單離開，他們步行到附近的地產舖時突然變得金睛火眼，黃修平還踎低身睇得好認真，怎知發軟蹄失平衡仆一仆，他即刻雙手㩒地逃過趴街一劫，老婆就用手機影低樓盤。黃修平短訊回覆：「確係我女人，其實我哋唔係睇樓盤，而係經過嗰度，隔住玻璃同舖頭入面隻狗玩。」
採訪、攝影：潘冠恩、畢紹基
from:
http://hk.apple.nextmedia ... 160504/19596507
