精神壓力相關腸胃病影響一家大小。中大醫學院何善衡腸胃健康中心主任胡志遠表示，功能性腸胃病患者年輕人至中年人士也有，成人發病原因較多，如受家庭、經濟、工作壓力；學生發病則較單一，半數與學業問題有關，常見發作時間為開學及考試季節，部份家長也同時出事，齊齊求診。
開學及考試發作
胡志遠表示，功能性腸胃病對病人生活影響極大，如9月開學壓力大，有學生未返學已肚瀉，上學時亦經常肚痛，需要請假求診；考試季節情況更嚴重，考試考到一半不能繼續，「因為肚屙要衝去廁所，老師以為佢作弊或者偷懶」。部份家長也受「感染」，因子女請假未能上學，擔心追不上進度，成績會變差，父母也出現腸胃症狀。
中大醫學院精神科學系助理教授麥敦平補充，有中產家長更越洋擔心女兒，令自己出現腸胃問題。該名40多歲媽媽為全職家庭主婦，女兒外地升學，在家無所事事凡事擔心，「擔心個女瞓唔到，擔心佢學壞吸毒」，不久她開始出現胃痛兼有反酸，她上網查資料發現胃酸倒流有可能因為癌症，結果四出找醫生做檢查。
「一年做5、6次胃鏡，做第1次冇事，認為醫生太年輕唔可信，做第2次冇事，又話睇咗好耐係咪睇唔清楚」，以不同原因否定檢查結果，自己則越來越擔心，病況亦越來越嚴重。經介紹到威爾斯親王醫院求診，始發現為功能性腸胃病，兼患經常焦慮症及輕微抑鬱，現時仍在接受治療。
記者嚴敏慧
from:
http://hk.apple.nextmedia ... 150731/19238171
