被喻為「舖王」之一的大鴻輝興業主席梁紹鴻首登富豪榜，23年前曾炒燶外滙勁蝕3900萬元，全靠買舖翻生，15年來身家由谷底暴漲779倍，成為地產界傳奇。
梁紹鴻其實是怡和洋行買辦兼富豪梁顯利的幼子，可說是富二代。77年成立大鴻輝興業，早年炒賣外滙基金、股票，但在23年前炒燶外滙，「500萬美金身家輸晒！」
持逾150舖收租
跌落人生谷底，梁紹鴻低調歸隱，到98年金融風暴後，「攞住唔夠2000萬，問銀行借錢買舖，因為我相信香港地產市場係『冒險家天堂』，人棄我取先有大茶飯食！」往後數年不斷入市，03年沙士，更「一個月買一件」，多數有入無出，食盡近十年樓市大升浪兼自由行效應，使舖價大幅跑贏大市，持有逾150個舖收租，因而成功翻身。
家族成員多為專業人士，只有梁紹鴻「揸鑊鏟搵食」，對於首次殺入富豪榜，他坦言以平常心看待，「唔係自己特別叻，而係靠物業身價膨脹而有咁嘅排名，但物業一日未賣，啲錢都未算真係自己嘅」。
現時樓市處高位，「我都覺得好貴（樓價），想炒樓賺錢好難會有驚喜」，反而近期股市值博率較好。但目前息口低，買家持貨力強，樓市爆煲不大。大鴻輝近年轉型為發展商，月底將有首幢酒店營運，未來尚有6幢酒店、1幢商廈發展，住宅有何文田加多利峯發售。
記者：程俊華
From:
http://hk.apple.nextmedia ... 130111/18130561
