繼Sharp 後，另一日系主要廠商Fujitsu 都邁向1600 萬像素大關，DoCoMo 夏季日系新機中的F-09C，除左採用滑蓋90 度水平轉芒外，機背配備1600 萬像素CMOS、有3D 裸眼螢幕、也支援IPX8 防水，而且已經有軟解。但最重要還是Fujitsu 一向的手寫中文、簡體筆劃輸入法，慳返搵水貨店入中文輸入法時間！
F09C 採用3.5 FWVGA 螢幕，機身比一般觸控手機更加修長，加上有數字鍵盤幫助，操作方面算是較易上手。有純白、全黑及火熱3 色揀，而且機身採用滑蓋90 度水平轉芒設計，用黎睇片上網都較為方便。
支援中文輸入、F-09C 另類日系機
Fujitsu 係少有願意支援中文輸入的日系廠商，好似之前F-02A 賣左幾年都仲有市場，就知道日系+軟解+中文輸入法的強大吸引力。雖然今季開始好多日系水貨機都再無SIM 鎖，不過可以順利打到中文的，其實只有幾部Android 及本文的F-09C 喇。
網絡連接、瀏覽器試玩
F-09C 雖然已經軟解，一插SIM 就用得，但仍然只可以靠Wi-Fi 上網。操作時只需選擇Full Browser 就可以直接啟動瀏覽器，也支援部分Flash 顯示，但畢竟係日系機的原故，F-09C 顯示網頁內的中文有可能出現亂碼。
1600 萬像素拍攝
Fujitsu 日系機一向採用CMOS 感光元件，係拍攝能力方面長時間都被Sharp 比下去，不過F-09C 已經支援最大1600 萬像素拍攝，加上1080P FullHD 拍攝，至少在像素方面已經追貼Sharp，但由於並未用到雙鏡頭，所以拍攝3D 相片仍然要「手動橫移」，3D 效果唔算好出色。
F-09C 除了維持日系手機出色拍攝質素外，對筆者個人黎講，其實同之前Fujitsu 的千萬、千二萬像素手機分別不大。不過跟據現場試拍的相片來看，係顏色表現、雜訊等方面，F-09C 仍然未及用CCD 的Sharp SH-10C，
總結
水貨定價約$4600 左右、已經解除SIM、中文輸入法兩大問題的F-09C，雖然未有用到日系最出名的摺機設計，但都算是現時為止功能最全面的日系機。
F-09C 有齊防水、高像素鏡頭等功能，一插SIM 就用到，又唔會有圈外問題，操作上同普通手機分別不大，唯獨是3D 顯示效果未見出色，設定上也沒有Sharp 系手機方便。如果用家對SmartPhone 功能、apps 均未有太大興趣的話，F-09C 也是部「有型有款」的選擇。
日系手機，配備1600 萬像素CMOS，支援最大1080P FullHD 高清影片錄影、IPX8 防水、3D 裸眼顯示
