雖然近年用家的興趣已經逐漸轉移到有apps 玩的SmartPhone 上，就連日系廠商都開始在重點轉移到Android 機的開發上。不過傳統日系摺機仍然有市場，今個夏天Sharp 就推出有史以來最強的日系機，擁有史前無例1610 萬像素CCD 的SH-10C。
SH-10C 係DoCoMo Prime Series 系列的最新作，除左有1610 萬像素CCD 外，還有IPX5、IPX7 防水防塵標準、3D 裸視螢幕等頂級規格，不過對於香港用家來講最重要的，就係SH-10C 再無以往令人苦惱的網絡鎖、媒體鎖，係香港咩台都用到，仲唔會有圈外問題！
老實講，SH-10C 雖然係唔少用家最愛的摺機、規格亦相當吸引，不過在機身造型方面就未見有太多亮眼之處。SH-10C 用上閃燈邊框。合上螢幕或有來電時會閃個不停，算是機身上最大特色，另外SH-10C 仍然採用180 度轉芒的摺機設計，亦可以將螢幕反轉合上，操作上更似一般觸控手機。
史上最高1610 萬像素CCD
日系廠商一向都鍾意挑戰手機像素極限，係Nokia 大賣N8 之前一早已經有千萬像素手機，上年就發展到1400 萬像素。而2011 年就有1610 萬像素的SH-10C，仍然係ProPix +CCD 的黃金組合，就算係日系機黎講，都已經係頂尖配備。
SH-10C 係少有可以拍出色調濃郁相片的手機，就算同筆者手上的LX5 相比，以自動模式來講色調仍然偏濃，當然雜訊、銳度、動態對比範圍仍然有點距離，不過都已經拍得住入門級數碼相機，整體上質素令人滿意。如果用家不常100%放大睇相的話，SH-10C 會是相當唔錯的Snapshot 好幫手。
「官方」軟解日系機
無左網絡、媒體鎖的SH-10C，雖然唔算得上係大解放，不過用起上來至少唔使洗用卡貼，唔會有圈外問題，另外入歌又唔洗再用專用軟件，唯一缺憾就係用唔到3G 網絡上網。
擁有頂級拍攝能力的SH-10C，定價都算上係頂級，現時水貨店約賣$5,000 左右，已經可以買到雙核Android 喇。但畢竟功能全面的摺機現時少至又少，有中文輸入法的Fujitsu 日系機部分又要用到卡貼，加上有防水功能，係夏天絕對可以大派用場！
日系摺機，配備1610 萬像素CCD，支援最大1080P FullHD 高清影片錄影、IPX5/7 防水、IP5X 防塵規格
