[資訊分享] 相愛拍拖手則-女仔篇

男仔愛你既時候，要小心自己習慣人地對你好。
有一句好多人講好多人明但好多人做唔到既說話想同大家分享，就系：愛情令你忘記時間，時間令你忘記愛情。
系咪聽過呢？系咪明白呢？但系你地又系咪都犯過呢？我諗多數都會犯過，唔好彩既就會遇過。
而家愛得好幸福既人多數會明前半句，但系唔明後半句，因為你地都唔會諗到你地有朝一日會分開。

愛你唔系必然
＞愛系一樣好抽像既事來，你話佢有又好，無又好，總之你唔可以擺到一樣叫愛既物件出來。男仔愛你系愛你，但佢愛幾多極可能同女仔既標準唔同。佢愛左你之後系會有熱戀既階段。佢許下諾言既時候系會想守得住個諾言。但繫好多人都誤以為守諾言系人格既問題，但就忘記左個諾言系人許出來。個諾言要維持就要佢許下諾言既依然動機存在。愛你唔系必然，唔系可以改變，所以唔好隨便信男仔講既野，呢樣系保護你自己，而你自然亦都要努力維持。拍拖系要付出架。自己諗下自己有乜野值得人地保持住去愛你呢？雖然話去愛系無原因，但系愛落去就一定要有原因。

男仔唔系事必要就你
好多人都以為男仔系一定要就女仔，無可否認，但系有限度。佢點解要就你？同你系朋友就系會因為禮貌而就你，但系同你拍拖既時候就系因為愛你。系因為愛你咋！佢地就你既時候會覺得無所謂，又或者會有時覺得唔開心，但系就你會令你開心，你開心既時候佢都會開心，因為佢愛你。但系當呢種開心平衡唔到就你既唔開心，佢地就會唔想就你架喇。小心你地會唔會做得太過份呢？就你唔等於你大哂架，唔好去到盡，留番一線。仲要認識大家有Ｄ野系唔可以讓步，但呢樣野又好取決於你地睇對方有幾重要。當然，你地可能唔好彩同一Ｄ自私既人拍拖。但系我只可以講既系做好你自己。做好自己，唔好到時話佢唔夠就你，唔愛你喇，有Ｄ野系有很度架。你開心時佢開心，咁佢先肯就你架嘛。

拍左拖就小心其他男人
＞女仔比男仔更享受異性既追求，因為男性追求人既時候真系比女性落力好多。時間系對愛情最大既考驗。當一對人一齊耐左，就會自然無乜野講。佢地既生活會變得公式化，如果你系一個只求開心，唔要求可以兩個人一齊耐Ｄ，咁你就睇到呢度算。但系如果你想兩個人可以耐Ｄ，就唔好俾拍拖生活既平凡令你失去愛既動力。明白耐左系會有咁既副作用時，就要小心其他男人。你覺得平凡既時候，總會發覺有個人（唔系你男朋友）吸引到你既注意力。小心你自己既心，呢個時候好易變心，如果你分唔清你同你男朋友系平凡定系淡既時候，就算心動都要忍住。因為如果你忍唔住，到你發覺你同你男朋友系平凡難得既時候，你會慘過比你飛既男朋友。但如果你永遠都系追求更好既一個，好唔安份既話，我都系一句，唔好再睇落去。 , GetJetso.com -折扣優惠..

每個人都有自己既生活
女仔多數會中意男朋友陪住自己，雖然有Ｄ女仔繫好獨立，但系畢竟都系少數。其實你地想個男仔陪住你既時候，可以諗下你地拍拖之前，或者你仲系獨身無人中意既時候系點過。咁你地會好過Ｄ。女仔癡身繫要架，太過癡唔好，唔癡都唔好。總之呢樣野我就真系唔可以講咩。但系我諗只要你地諗下你地仲系獨身既時候，各自有自己既生活既持候，就唔會在陪伴時間呢個問題上令雙方感到壓力。

小心講野
女仔好多時都控制唔到自己講既野。我一定唔會叫你地唔講野。因為男仔系都幾遲純既一種生物。有Ｄ野女仔唔講到明佢地都唔會明，仲會扮唔明。所以你地一定要講你地想講既野。但系就要小心去講。唔好太過份。男仔有時講野系傷，但繫好多時候都唔會俾女仔講出來既更傷人。唔好為左激人，而講Ｄ故意傷人既說話。火遮眼系會有。但要提醒自己唔好做Ｄ第日會後悔既事出來。你地拍緊拖，仲未結婚，男仔唔一定會因為愛你而忍你，而且作為一個女仔，唔知男仔會俾咩反應你，唔好做到男仔丟低你在街上。為自己，唔好咁勞氣，有時你知道你仲系拍緊拖，就會知道唔一定值得架喇。 , GetJetso.com -門票優惠..

話你唔代表唔愛你

每個人都會有缺點。對方會話你就同你會見到男朋友撩鼻話佢一樣。話你會有合理同唔合理，但唔好佢話你就唔開心，要諗下佢話得有無道理。可能佢會講得好過份，可能會覺得佢不可理喻。但呢個唔系重點，佢說話既原因先系重點。話一個人系幾勞神，特別系你想佢改。所以要放開心胸，有則改之，無就當佢講錯你，平常心，原諒佢你都會好過Ｄ。系愛你男朋友既話呢Ｄ事系絕對可以原諒架。

唔該俾多Ｄ時間溝通，因為你唔識心靈感應架 , GetJetso.com -折扣優惠..
有時，女仔會好想同男仔傾偈，但總系覺得男仔唔明佢。其實要明白百一個人繫好難既事來。會有佢唔想同你講野既時候，會有你唔想同佢講野既時候。所以當你地一齊想講野既時候，就好好珍惜。我講既溝通唔系去邊度食飯，去邊度睇戲，買邊件衫，邊個明星Ｄ歌唱得好呢Ｄ咁無深度既事。我講既溝通系你地對你地既關係，對方既問題，自己既問題等等可以影響你地關係既事。講野時要坦誠。一定唔可以驚佢唔開心而唔講。對方夠成熟，愛你，聽時可能會唔開心，但之後會明白。相反你都要做得到，對方講野時唔好先諗住駁，因為有時只要你一駁，對方就會唔想講，會覺得講來都無用。聽多Ｄ，講多Ｄ，改善自己，唔單止系為左段感情，最重要仲系為左你自己。有個情人俾你可以深入Ｄ去瞭解人同人之間既問題，唔好浪費，唔通你同你叫出去玩既人講埋你同人相處既心得咩？更何況你都唔想個男仔唔顧你令你唔想佢唔開心時自己要晚晚喊啦。愛系兩個人既事來，系人都知，但又明幾多呢？有個肯講自己有乜唔好既男女朋友繫好難得架。

男女系有唔同既，唔系剩個胸同下面既分別

男會中意玩，但會比女孩更早定性；女仔唔想男仔顧住玩，但多數都會玩到見到人地都唔想玩先至識驚，所以會比男仔玩得更耐。呢個只系男女既不同之一。男女不同仲有好多。但唔該你地明白，男女系有唔同架。互相遷就，唔好成日要求個男既完全乎合你既要求，如果系要咁既話，不如飛左佢，因為個世界七十億人，總會有個完全乎合你既要求。要知道，如果對方為你改到完全乎合你既要求，但系佢已經唔系佢，咁你愛既人就已經唔見左。當然我咁講系有Ｄ誇張，但系只系想大家知道一樣野，有限度接受佢，有限度改變佢，你唔會咁勞氣，佢唔會咁大壓力，佢想改既，少少、慢慢來都會改俾你睇，佢唔想改，你講到啞佢都唔會改。一系接受，一系俾Ｄ耐性（唔系話一年有耐就性，耐性系要受到不斷既挑戰先知底線。），無必要搞到自己見到佢就嬲啦。
, GetJetso.com -股票討論..
俾多Ｄ耐性

上一點最後講過一樣野叫耐性。呢度我想講既都系面對小事時既耐性，因為如果真系大事，女人通常都會好有耐性。點解小事上要有多Ｄ耐性呢？因為有時男性比女性無耐性既情度差好多，但更多女性比男性無耐性！點解拍拖要有耐性呢？因為兩個人之間有好多野要等。等佢放低之前既人，等佢改，等佢更愛你，等佢對你更坦白，等佢學識去等你！全部都要時間。要有耐性，首先要識得有一個諗法，就系同佢既日子仲有好多，點解要急於一時呢？無耐性既人好容易令人感到壓力。男性好多時都會有Ｄ野中意拖字訣，如果你無耐性，點同佢作長期抗戰呢？仲有，有耐性都係一種美德，有耐性，你就自然識得忍耐。小小事都唔忍得，無耐性，你對男仔既吸引力就會就無咁大，因為你會忍唔住對佢太好！你無耐性，都會好容易傷到自己，因為當激情過後，你會好易忍唔住長久既平凡。同時唔好睇到呢度唔記得我一路講既都系小事，如果你連小事都無耐性，遲早兼極有可能男朋友俾你煩死，你就俾個男朋友激死（最重要系呢樣）！

表裡不一有限度，人地個心無透視眼架
, GetJetso.com -..
女仔中意口不對心。有時佢講錯野時，總會講：「我個口就系咁講，但我個心唔系咁諗架。」人同人相處，做出來既事就會成為人地對你性格既印象。表裡不一，掌握得好會令人覺得你神秘，增加你既吸引力，令你既男朋友多少會為你神魂顛倒（佢地可能會有多Ｄ興趣去發掘你既本質，不斷從你身上找尋驚喜），但系如果你掌握得唔好，又或者你本來繫個咁既人，你就會令人無所適從，覺得你好假，男方會為左知道你本來既性格疲於奔命，特別系你故意咁做。表裡不一繫好，但要有個限度，小心你自己表裡不一既程度，唔好到時話對方無瞭解你。可能佢有好努力咁瞭解你，都知你有時表裡不一，但系佢根本唔可能知你表裡不一又自相矛盾時真正既想法。除非佢系你，但系無可能架嘛！咁樣搞法，就算平時溝通得好好都會俾你玩死。

每個人都可能有個忘記唔到既人

你可能唔系佢最愛既一個，佢都可能唔系你最愛既一個，如果系既話，呢樣野大家無論拍拖幾耐都好，都一定要接受，特別系你愛佢，唔系你只會傷心死你自己。如果你最愛唔系佢，你唔講佢唔知，不過當然如果佢問到，唔好講大話，唔好講無。呢樣野一定要老實。不過就唔好唔該唔好成日題，因為男人好怕俾人地搵佢來同人比，你可以話對方點唔好，不過唔好人比人。有個女仔，佢成日同佢男朋友講佢最愛系邊個，有次同佢男朋友咀完既時候，同佢男朋友講佢最愛既Ａ君咀得技巧好Ｄ。令到個男仔之後每次聽到佢女朋友講最愛系佢既時候都覺得佢講緊大話，每次聽到講最愛佢既時候一Ｄ都唔會開心，只有傷心，但繫個女仔可能講真。有Ｄ野收得好Ｄ，大家都開心Ｄ。唔好話佢都做唔到呀，我只系叫你做好自己，好多時候系唔可以咁計較。