投資的天空：候低補貨有得捱冇得輸

記得本欄上月曾做過大市拼圖，謂短期可能會裂口上升，相信當時不只讀者，連士佳自己亦覺得有點兒戲，結果復活節帶來了上升裂口。其後筆者再估此上升裂口（21500）短期內回補可能性甚高，除因拼圖效應，亦是裂口太明顯，根據歷史多數回補，俗語有云：太陽底下無新事，在股市一樣管用，昨日期指見過21300水平。
老實說，一日間跌至現水平，頗令士佳意外，因跌市理由乃高盛被美國證監會控告欺詐，可能作出巨額賠償，其實高盛被民事而非刑事起訴，當局可能只想殺一儆百，加上高盛不會束手待宰，很快已作回應，事件最終可能是庭外和解，估計不會引起大型危機。
事實上，高盛股價上周急挫，蒸發的市值，早已多於賠償金額，市場反應可能過敏。

料最多跌至20600水平

另一方面，中央不斷打擊樓市，內銀內房股早已冇運行，但筆者認為針對房地產的措施，對整體大市影響有限，因為真正能令大市下跌的，是中央一刀切式閂水喉政策，例如勒令銀行停止放貸，甚至加息，中央要推出針對性的房地產利率政策亦易如反掌，純因樓市而提早加息，可能性較低。

筆者始終認為，調整是買貨機會，所以昨日已着手回補現貨，但內地倒水式下跌，短期大市可能繼續慣性調整，所以筆者亦未買齊貨。論氣氛昨日已有恐慌沽貨，如今日止跌便會買入，因為士佳估計最多跌至20600水平，現水平開始買入，都係嗰句：有得捱冇得輸。