著數優惠交流網 » 飲食優惠 » 講飲講食交流區 » 系廁所飲下午茶

[食評] 系廁所飲下午茶

1^# 大中小 vv18 (IP: x.3.238.x) 發表於 2010-3-16 03:46 發短消息只看該作者

相關主題: 下午茶

系廁所飲下午茶主題：上星期六同老虎去shopping途經東門步行街時見到一間用廁所做主題嘅餐廳叫Modern Toilet，其實之前睇雜誌時已睇過佢嘅廣告，反正未試過咁就孖老虎上去嘆番個下午茶啦！

內容：餐廳分兩層二樓比較大而一樓就細D，睇唔出都有八成顧客光顧梗，餐廳佈置都幾攪嘢，牆身放置了浴室用品而坐椅就好似馬桶咁，坐上去就好似一邊柯屎一邊食嘢咁，我同老婆就叫咗五樣嘢，簡評如下

椰香奶茶冰(加椰果)- 用個似尿兜嘅杯裝住都幾Q，味道就一般啦，D椰子味冚過奶茶味，加椰果比多2蚊但唔係有好多得幾粒，兩個人飲唔係好夠喉，一人一杯好D！(單價20蚊+2蚊椰果)

墨西哥香辣烤鷄翅(3隻)- 鷄翼味道都唔錯辣辣地幾惹味，隔籬嗰舊好似〝屎〞嘅嘢係碟蓋用黎冚著D調味辣醬。(單價20蚊)

台灣官財板- 好似西多士咁裝著D海鮮配料包括蝦、墨魚圈等，味道還可以但由於配料有汁關係，令到個麵包盒濕咗後軟淋淋，唔好食。(單價22蚊)

台灣蠔仔煎- 嗰樣似蠔仔餅但係食落去無味道之餘仲好似食漿糊咁，D蠔仔又唔多熟，至差哩樣嘢所以差不多成碟無食到！(單價14蚊)

馬桶一號- 主要用沙冰做底，外面除了擺放兩個雪糕球外亦鋪放了很多。配料包括葡萄干、麥提沙、啫哩粒，仲有幾樣不知係乜嘅甜配料，真係兩個人都食唔哂，結果食剩D沙冰，睇睇相似唔似成灘屎水(單價28蚊)

埋單消費合共106蚊(當然係人民幣啦)

總結：除了甜品可取之外，哩間餐廳嘅嘢食只屬一般，唯一好處就係環境夠特別，不失為一個聊天好去處

後記：掙D唔記得講就係哩間餐廳附設了一個瘋狂發泌區，顧名思義就係比客人發泌、發脾氣、發爛渣之用，點發？就係客人每消費滿100蚊就比3隻碟你打爛佢，當然區內有哂防護措施以免被爛碟弄傷啦，如果消費多D會比多D碟你發泌，其實我都想向老婆發泌下，不過佢系度無謂啦

http://www.sofood.cc/restaurant_sr.php?shopid=577

[ 本帖最後由 mercurywong 於 2010-3-16 14:49 編輯 ]

廷伸閱讀/相關主題推介:

相關主題:下午茶

如果您喜歡這篇文章，請按「讚」或分享給您的朋友，以示鼓勵。

TOP

著數優惠交流網 » 飲食優惠 » 講飲講食交流區 » 系廁所飲下午茶