手機戶墮收費陷阱

蘇先生08年曾誤用one2free數據服務被徵費，繳費後立刻要求取消服務，此後再沒被徵數據費。惟去年9月接獲賬單，竟有千餘元數據費。「我打去問點解cut咗服務仲有收費，職員話曾經應我要求取消增值服務，但無cut到GPRS。過去一年明明都用唔到，點會冇cut到？我惟有再次要求取消服務，職員都話可以，點知10月、11月張單仲有數據費！其間佢哋另一個部門嘅職員打嚟，話見到我賬戶用量唔尋常；我話已經cut咗數據服務，佢仲同我cut多次，結果都係要收錢！」

讀者黃先生亦遇相同問題，去年11月被徵數據費後，黃先生要求one2free取消服務並獲接納，惟12月仍被徵費。
CSL回覆，該公司政策是為客戶提供所需的流動通訊服務，並根據客戶使用有關服務的用量而收取費用。接獲蘇先生及黃先生的個案後，有關部門已作出跟進及了解，並酌情處理事倩。

惟蘇先生不滿意one2free的跟進：「『為客戶提供所需的流動通訊服務』，但我根本唔需要數據服務，只係佢哋唔畀取消。」
非上網手機亦被徵費

前1O1O用戶葉小姐不忿被亂徵漫遊數據費，已轉台一年，惟1O1O至今仍未清楚交代收費詳情。「我部電話根本唔可以上網，但08年9月公幹返港後，竟有2,000幾蚊漫遊數據費；已即時要求1O1O取消漫遊數據服務同提供詳細使用紀錄。11月再公幹返港，今次竟收6,000幾蚊！明明停咗服務，數據從何而來？08年要求跟進，拖到家仲未提供資料，只係不停發追數信！」

林太早前閱讀本報報道，得悉漫遊數據可導致巨額收費，故要求1O1O取消有關服務，職員卻表示客戶不能取消漫遊數據服務。「咁即係迫人踩落陷阱！」

CSL表示職員已向葉小姐詳細解釋收費內容，林太則暫未聯絡上。
本報曾向CSL查詢，曾取消數據服務的客戶，現時是否已重啟相關服務，重啟安排有否通知客戶，以及客戶可否取消漫遊數據服務，惟該公司均沒正面回應，只回覆CSL為客戶提供所需的流動通訊服務。

留意合約有否拒刪服務

電訊管理局表示，曾向各大流動網絡營辦商了解，大部份不會拒絕用戶取消服務。市民選用之營辦商如拒絕取消服務，則要視乎合約內容或簽約時，營辦商有否清楚交代未能取消服務之安排。

該局同時建議市民簽訂合約前，仔細閱讀服務計劃詳情及合約條款，並特別留意月費包含的服務、收費及特別情況下的額外繳費。營辦商若牽涉不當營商行為，該局將按市民提供的詳細資料作出跟進；持牌人如違反《電訊條例》或牌照條件，該局將採取規管行動。現時只有CSL旗下1O1O、one2free及新世界傳動網用戶不能取消數據服務；3香港、數碼通、電訊盈科及中國移動均可為客戶取消數據服務。