老實講,今日真係嬲地...
今日我同另一個朋友仔(男仔)經過就諗定見得返兩日,終於有時間去換支比媽媽用
咁就入左去沙田果間"慢靈"果個專櫃到換
我發誓!以後唔會再換佢D野,有錢都唔會買!
果個阿婆級的BA,D態度真的不知所謂
原本佢係到行行企企無野做,我地行埋去就比佢啤住
跟住睇完封換領信,佢就好大力咁啪一聲拍落枱到,然後飛支筆出黎,叫我地寫陪同電話
咁我個fd就亂"了"比佢
佢睇完就話,"你學草書架?咁"了"點睇啊?"
老實講我已經嬲地,佢D態度,我個fd都係,就反串佢,"比你睇架咩?比你返公司交數之嘛!"
跟住佢就黑面咁望我地張紙,然後叫我個名
話"XXX呀,你換黎自己用架?抗雛架喎!"
我話:唔可以換比人用架咩?張寫無寫喎!你唔識字架?
跟住佢就黑面+苦笑(後面果個vichy BA都係到偷笑)
佢就好大聲咁問:你有無聽過我地呢個牌子架?RoC (當然成間shop都好多人,佢仲好大聲咁問,分明想落我面咁,話暗視我男人老狗係到換野)
我就好大聲咁唔客氣答佢:從來無聽過喎!我諗好多人都無聽過所以你先咁得閒係到行行企企!
講到呢到佢已經爆黑面!老實講我地兩個都係
跟住佢就想sell我地咁介紹個product ,講左十幾廿秒,佢就話:呀!唔記得左你係同人換tim!(勁高音)
跟住我就勁忟咁一手係佢手上搶左佢兩支野!然後話:係呀!你比我得架啦,張單張我朋友識自己睇,我諗自己睇會清楚過聽你講.(然後我地兩個就走,眼都唔進佢一眼,)相信佢係堅嬲,我地走果時回敬我一句!
XXX先生同XX先生(我個fd)! 可以預防衰老,美白同抗雛架!(又係勁大聲,驚死無人聽到咁)
當然,厚面皮的我唔會比佢嚇親,但我個fd反而又係堅嬲再回敬佢一句
咁睇黎你要用多D呀Roc 的太太!!(我見到個vichy BA O左咀,可能佢無諗過我地會咁爆~)
而我亦望到Roc 的太太燶過鑊底
不過我已決定有錢都唔會買呢隻野比媽媽用
比貴少少SK-II仲好,至少拎sample人地會送你出門口同菊晒弓!買都買得開心D!
我唔知有無其他人試過呢間野,我都係太嬲先係到發下up風!
