民建聯新星陳克勤曾經因為一句「搓my breast」而揚名YouTube，估唔到事隔年幾，呢個陰影仍然揮之不去。噚日陳克勤出席港台《城市論壇》討論80後現象，突然有位現場觀眾衝上台前，向佢飛bra抗議。克勤住枱面個bra（胸圍），似笑非笑，不知如何是好，主持人謝志峰人急智生，即刻出手拎走個bra，幫克勤「解圍」。
噚日維園嘅《城市論壇》非常熱鬧，講到80後現象，有紅衫觀眾發言，話要解決領導人口中嘅「深層次矛盾」，最直接就係還政於民，叮囑克勤要「try your best」爭取2012雙普選。現場立即報以熱烈掌聲。
http://hk.apple.nextmedia ... art_id=13613897
