港台DJ麥潤壽一家四口本月14日晚由日本成田機場乘搭JL735班機返港時，麥的太太因不滿座位安排她與年幼子女及丈夫分開坐而在機上發難，一家四口堅持不肯坐下並要求落機，結果飛機要折返停機坪，服務員請其他乘客讓位給麥的家人，擾攘個多小時飛機才能起飛。
乘客不滿
記者昨日致電麥潤壽了解，他說：「我向當日乘客致歉，但發生咁嘅事我都唔想，我哋7個人坐7個唔同座位，我並唔係要求7個坐晒一齊，但我個女3歲個仔兩歲，做父母會唔會放心佢哋咁細個自己一個人坐？Checkin嗰陣航空公司都知道我哋有小朋友o架，但最後個個分開坐，我哋未坐低佢哋就郁機，我梗係要出聲叫佢哋停機。我聽到有乘客講：『有條友玩嘢搞到班機咁遲起飛。』自己聽到都好難堪o架，但我又可以點做？」採訪：林妃
from:
http://hk.apple.nextmedia ... art_id=13334518
