[冷知識] 母親節的起源介紹

母親節係一個感謝母親嘅節日。喺美國、加拿大同埋一啲其他嘅國家，每年5月嘅第二個禮拜日就係母親節。喺其他一啲國家日子就唔一樣。做母親嘅喺呢一日通常會收到禮物。康乃馨被視為送畀母親嘅花。

母親節嘅起源係古希臘。喺呢一日，古希臘人會向希臘眾神之母赫拉致敬。之後去到17世紀中，呢個節日就傳到去英國。喺呢一日，出咗外面嘅後生仔會返屋企，送一啲小禮物俾媽媽。

而家嘅母親節起源係美國，由安娜·賈維斯（Anna Jarvis,1864－1948）發起。佢一生人都冇結婚，一路陪喺佢嘅媽媽身邊。安娜·賈維斯嘅媽媽心地好，又好有同情心，佢話應該搞一個紀念日嚟紀念靜靜雞付出嘅媽媽，但係呢個願望仲未實現佢就過咗身。

安娜·賈維斯喺1907年開始搞活動，申請母親節做法定啲節日。節日喺1908年5月10號喺美國嘅西弗吉尼亞和賓夕法尼亞州正式開始。1913年，美國國會確定改每年5月嘅第二個禮拜日做法定啲母親節，仲規定呢一日家家戶戶都要掛國旗，表達對媽媽嘅尊敬。安娜·賈維斯嘅母親生前最鍾意嘅康乃馨，就做咗母親節嘅象徵。