「娃娃男」阿舜唱〈娃娃愛天下〉時不停仰天望地仲跳埋舞非常投入，林曉培都話要對佢寫個「服」字，開完concert 後即刻學阿舜扭腰跳舞。
近日YouTube 流傳點擊率超過30 萬人次嘅《都市閒情》短片，片入面有個着住碎花恤嘅金毛騎呢男一路唱林曉培首〈娃娃愛天下〉一路勁走音，仲跳住疑似MJ 嘅moonwalk 舞步，FBI 睇完真係笑到差啲碌喺個地度咁滯！
FBI 於是搵嚟《都》嘅監製趙麗萍八吓呢段片嘅來龍去脈啦，佢話呢條片其實係01 年《都市閒情》嘅〈鬥戲連唱鬥一番〉環節。
你知唔知自己衰乜嘢？就係衰在太有自信喇……我頭先問過PA ，佢話成兩個禮拜前fax 咗稿畀你，你確實有冇好好哋唸過呀？
江華鬧︰評判江華問阿舜知唔知自己衰乜，話阿舜就係衰在太有自信，阿舜即刻做咗一個口形。FBI 聽唔到佢講乜，但好多網友就話佢當時講咗個「×」粗口，阿舜真係要快啲出嚟激動澄清喇。
學娃娃舞
01 年，阿舜喺〈娃〉曲中途加插自己編排嘅MJ 舞，舞步仲有啲似上年木村喺Gatsby 廣告所跳嘅。有網友即刻話木村係抄阿舜，誇張咗啲喎！
木村抄？
做戲甩轆
比賽唱歌之前原來有一part 鬥演戲，娃娃男仲連對白都甩轆，要主持溫裕紅打圓場先收得科（圖），要睇就要上tvb.com 。
娃娃男真名叫黃宏舜，當年得19歲但個樣超老成。TVB 見呢段騎呢片咁hit ，上星期四就專登將呢集《都市閒情》足本放上tvb.com 畀觀眾由頭到尾「噒」一次。
林曉培上週三（8 日）來港開騷，FBI 問佢點睇啦，原來佢一早睇過條片，仲即場扮阿舜跳娃娃舞畀FBI 睇，「我第一次睇已經忍唔住笑到拍晒手掌，佢啲音完全唔準，跳舞又跳到成隻曱甴咁，如果佢今晚嚟睇我個演唱會就好喇！」話時話，喺concert 前熱播條片咁啱喺禮拜三開騷前俾人刪除咗，timing 夾成咁，有人即刻質疑係07 年醉駕撞死人要賠800 萬新台幣畀死者家屬嘅林曉培放段片上網谷人氣，不過佢同FBI 講冇咁嘅事。
FBI 求真，可惜當年阿舜輸咗比賽，TVB 連佢個file 都delete 咗，無從聯絡。娃娃男見字，請速致電《FACE 》搵FBI 。
唔少網友仲話阿舜個樣似古惑仔，將佢個頭key 去古惑仔陳浩南個頭度，笑爆嘴。
有網友就將阿舜唱〈娃娃〉嘅片段同林曉培原曲同個樣都mix 埋，迷幻到爆。
熱爆網
阿舜段〈娃娃〉片喺3 月30 日被人放上YouTube 後至上星期三（4 月8 日），瀏覽人次已超過30 萬，但呢段片喺當日無端端被delete ，有人懷疑係林曉培所為。
