Baleno 請全職顧客服務員 月薪$8,000 ，冇經驗都會考慮。
政府大學畢業生實習計劃，規定參加計劃嘅僱主最少用$4,000 聘請大學生，變相成為大學生最低工資指標。好彩仲有僱主肯用「良心市價」去請人，Baleno 就喺4月2 日舉行招聘日，請全職顧客服務員20 名及兼職顧客服務員70 名，全職月薪$8,000 ；兼職則有$30 時薪。招聘會發言人黃先生同發錢韓講：「售貨員主要負責銷售品牌服裝，仲會兼顧一啲倉務工作，每週工作6 天，每日工作9 小時包用膳時間，喺港九新界共20 幾間分店服務。我哋冇規定要幾多學歷，中三、中五都可以試吓，有一年零售經驗優先，冇嘅都會考慮。工作表現良好或累積一、兩年經驗，就有機會升做資深顧客服務員，人工約有$9,000 。」
始終係零售業，學歷高雖然有着數，但最緊要喺面試時有禮貌，表現出自己對零售業或者接待客人有認識，當面試官問到一啲假設性問題，要表現出自己夠經驗夠成熟應對，如當客人睇中嘅一款衫，店鋪冇佢sizes ，就要即時幫客人打電話問其他分店，請客人稍等或留下聯絡方法待通知，順便推薦客人睇其他產品。無論幾時都好，零售業服務好先至掂㗎！
Baleno 招聘日
時間：4 月2 日2pm-5pm
地點：葵芳新都會廣場2 期9 樓907 室
空缺：全職顧客服務員20 位、兼職顧客服務員70 位。
薪金：全職$8,000 、兼職時薪$30
查詢電話：3188 8070
