顏昭行提醒買手機時，起碼花近半小時試真手機。（廖健昌攝）
智能手機價格越趨平民化，令不少新手都躍躍欲試。然而，買家切忌一時衝動，單憑手機外形便扑槌購買。本刊請來手機專家，教你執齊一套「試機裝備」，買機便萬無一失。
智能手機越出越多，價錢便宜，成為不少人換機首選。（廖健昌攝）
買家可先下載多款顏色的畫面，檢查熒幕有否「死點」。（廖健昌攝）
林小姐去年初花了四千七百元，購買HTC 的D810X 智能手機，「我份工要經常收發電郵，見呢部手機外形幾靚，又可以同電腦同步處理電郵及電話簿，咪換呢部囉。」
未幾，林小姐發現使用藍芽耳機聽歌時，音樂便會變得斷斷續續，如是者換了三次耳機也未能解決問題，「我拎部機到維修中心起碼十次，即場用維修中心的原廠耳機試都係斷線，換咗兩次底板都唔得，真係俾佢玩死！」
自備私伙架生
智能手機網站PocketPC.com.hk 創辦人顏昭行表示，由於智能手機功能多多，因此買機時最少須用半小時才能試清手機是否百分百健康：「好多人試機時，最多只係按吓掣，試吓打出打入電話就算。返到屋企先發現部機有唔妥，到時要換就好麻煩啦！」
他教路，試機時最好自備藍芽耳機和記憶卡：「有啲電話聲稱可以支援到16GB 記憶卡，但點都要試吓放張卡入去讀唔讀到。」再者，不少用家都會邊聽歌邊使用手機的其他功能，因此試機時，不妨同時開
多個程式，測試手機會否變得「遲鈍」。
揪出死點播片
智能手機最常見的問題，不外乎熒幕有「死點」和「光點」，顏昭行謂用黑白及彩虹七色的淨色畫面測試，便可輕易捉出死點。這些圖片可在PocketPC.com.hk 或網上討論區免費下載。
除了檢查熒幕有否死點，買家也可預先上網下載一段電影預告片，測試手機播放短片的流暢度，「最好用動作片，畫面豐富節奏又快，一播出來就知部機啱唔啱心水。好多牌子的智能手機價錢相若，但播片表現卻好唔同。」
保障權益 先望清試水紙
不少智能手機內置「試水紙」，該紙遇到水氣，便會由白色轉為紅色或粉紅色；到時手機維修中心便指手機已入水，拒絕修理。但很多時手機的試水紙特別「敏感」，曾經試過有手機未賣，試水紙已轉色，因此買機時，最好檢查試水紙是否全白，以免無辜喪失原廠保養服務。
有電器鋪職員亦透露，公司會混入一些「新淨」的舊電池，客人沒檢查清楚便會中招。因此要檢查電池接駁手機的金屬片是否完好無花痕，因為若電池曾經使用，金屬片很容易被刮花。
新手上路，難免會雞手鴨腳。想用盡智能手機的功能，除了翻閱使用手冊外，亦可致電手機商，報名參加由專家開班的免費講座，簡單至如何安裝MP3 鈴聲或把短片輸出等問題，都可一一解答，多個品牌均有類似服務。（何家茵）
