時裝設計師王先生，喺07 申請到「青年理想實踐基金」，喺08 年夏天搞咗個時裝表演，為佢帶來唔少生意同人脈。
牛年新開始，梗係要祝各位打工仔財源廣進搵多嘅錢外，待業或失業嘅朋友就快嘅搵番份好工，各行各業繼續興旺，總之牛年行大運啦！喺新嘅一年，我發錢韓依然冇偷懶，為大家搵多嘅好料。好似最近又俾我搵到嘅好嘢，就係香港YMCA 嘅青年理想實踐基金，歡迎所有35 歲或以下，不論在職或在學甚至失業嘅人士申請，只要喺3 月1 日或以前，寫一份同自己夢想或職業有關嘅活動、課程或行動，就有機會申請到最高3 萬蚊撥款嚟實現自己嘅夢想！
青年理想實踐基金每年舉辦三次，最新一次截止日期為3 月1 日，分為「個人申請」及計劃成員二人或以上嘅「小組申請」，可以就自己嘅理想，如何好好運用申請得嚟嘅基金，提出一份計劃書，涉及範圍天馬行空乜都得，之前成功個案包括有一位17 歲嘅中學生，申請基金到內地考察自然環境：亦有街頭業餘音樂人申請基金出碟。在職人士亦可以利用呢筆撥款發展商機，好似設計師為推廣品牌申請撥款搞宣傳等。
YMCA 每年舉辦3 次青年理想實踐基金，3 月1 日嗰次唔得，可以喺7 月同11 月再申請過。
計劃書最緊要有heart
每人或每組每次只受理一份申請表，但今次失敗咗，喺下兩次7 月1 日前或11 月15 日前可以再嚟過。YMCA 發言人趙小姐話，每年約有90 人遞表格申請，申請成功嘅名額冇限制，成功率每期不同，但每次最少有4 成人成功獲得申請。申請個案會首先交由YMCA 資深社工及職員作第一輪評審，覺得有heart 、構思有創意有系統同可行性高，就會進入第二輪評審，再由高級警司、城大社工系講師、聯青社代表等專業人士，同成功過第一關嘅申請者見面，最後撥款成功與否，會喺約2 個月內收到通知。
趙小姐話：「計劃書唔使鬥字多，最緊要有heart 、有創意，資源運用同實行嘅流程present 得簡明有系統，先至有說服力。」喺07 年成功獲9 成撥款，喺08 年夏天舉行咗fashion show 嘅時裝設計師王先生，亦畀多嘅貼士大家，「一定唔可以平鋪直
，或者當『填交通費』表咁申請。我用咗約1 個月時間準備計劃書，首先表達自己對時裝嘅熱愛，好想為香港時裝設計出一分力，仲用唔少自己嘅經歷，講出未接觸時裝設計嘅我，只係一個hea 仔，係時裝令到我發憤、有火。到咗第二輪甄選，我自費請咗兩個model 嚟喺住我設計嘅衫，向批審員闡述我嘅理念，希望透過fashion show 令呢個夢想實現。我成功申請呢筆款款舉行fashion show ，因為呢個show ，我多咗兩分freelance ，亦可以即場派咭片，識多咗好多行內嘅朋友！」聽到佢咁講，我都想搞番個個人音樂會添，如果大家有夢想想實踐，快嘅去申請啦。
查詢網址：
http://www.ymca.org.hk/big5/index.html
查詢電話：2783 3370
