再戰?休戰?轉戰?
2008年終於過去,先同大家講一句新年快樂.之前同大家簡單回望左08年,同時又講及有關心態上的準備.咁
大家準備好未呢?如果未,不如認真抽空去想一想吧.既然準備了,咁唔講太多心態方面的野啦.直接d大家過
幾招研究下未來應該點玩啦.
總結全年,恆指與去年底相比大跌13,425點或48.27%,國指累跌8,233點或51.06%.
再戰!
而08年恆指的低位10676,比上年高位31958,跌幅為近66.6%
用97年果次高位16384到98年低位6544,跌幅60%.
而00年高位18397,到03年低位8331,跌幅54.7%.
如大家唔望太多,只用此數據作參考的話.當跌近6成時,係咪一個入市的好時機呢?
看月圖,玩長線!
先睇以下恆指月圖數據
為當月低位
12/1982L:676 RSI6,9,14:26,27,29
06/1989L:2148RSI6,9,14:28,36,42
01/1995L:6890RSI6,9,14:27,37,44
08/1998L:6544RSI6,9,14:23,29,34
04/2003L:8331RSI6,9,14:25,30,35(09/2001L:8894RSI6,9,14:18,26,35)
10/2008L:10676RSI6,9,14:18.98,26.77,34.15
11/2008L:11841RSI6,9,14:18.85,26.64,34.02
12/2008L:13344RSI6,9,14:22.82,29.05,35.54
以多年來睇,82,89,95,98年出玩低位之後,而下一個月並沒再穿底位,而RSI亦比上一個高的話.亦係一個見
底之象.除了01年那次之後在03年穿了少許.而08年11月的RSI只欠少少而高於10月外,其他年份均準.依這
方法又如何?
月圖上,看看隨機指標吧.參考月圖!
紫色J線一穿上KD為買入,穿落為賣出.看看又準不準?
保力加通道方面:由於不估頂底,故不論價位在上/下軌運行時,也不行動.只看價位穿上/下中線才行動,穿
上買入,穿落賣出,又看看如何?
MACD方面,同樣地,見向上買入,向下便賣出.不用多說了.
大家可以參考圖表統計一下,如用以上方式這麼多年來又可賺多少?
此外,大家看看,如用98年低位及03年低位拉一條線,巧合地亦近08年低位10676,是巧合還是圖表的啟示?信
不信由你.
月圖上講住咁多先,事關幾招已經可顯示到了,不要信感覺,信大方向的指標,我們不能在最佳位置入市同沽
出,但也能在較好位置入市及可以避開一切的危險,令大家贏多輸少.
你們有冇再戰的決心?有的話,請再練功吧.
09年我認為唔會太好玩,因為大升大跌浪似乎已經過去了,來年,甚至兩三年或許也會悶多.但依家先係考耐
性的時候,07年考勇猛之年,08年考果斷之年.09便是耐性及技巧之年.你長玩,現在入市一定要有耐性.你短
打,技巧一定要提升,是關不像07,08波幅這麼大了.
經濟面暫時唔會見有D咩起色,事關新一輪的壞數據將會出現,但或許全世界的人都聽慣了,除非有一個更壞
的消息,如果不是,依然悶局.悶局最易令人做錯事.如大家睇唔通,想唔明,不如考慮休戰,亦是一個好方法.
休戰!?
休戰當然不是真的停手不干,而係備戰,機會係留給有準備的人,準備下一次牛2,3來臨.本人認為1變10,10
變100絕不困難,97,98一個機會,07,08一個機會?下一次呢?知來者之可追,不要錯過每個機會.你信,自然成
功,你不信,自然失敗!09年休戰,備戰絕對係一件好事.大家可以遊山玩水,學習新知識新事物,準備充足糧
草再打下一次的硬仗也可.世界上NO FREE LUNCH!!!
轉戰!
除了股市?大家有冇想想可以在什麼地方搵錢?樓市?匯市?債市?做其他生意?
成日講到,股市8成人輸,其實我估今年應該9成人輸.點解仲有咁多人去玩呢?因為太易接觸了,市面亦充滿
股票訊息,故多人去投入其中.但可惜的是,市場係不會聽大部份人的意願而行.
樓市又如何?我估來年樓市前景不會有太大變化,你說會跌好多,我又不太認為.歐美那邊跌多我就信,香港
就未必.而在經濟未起之時,樓變現力始終偏低,未係時候炒作.
匯市,個人認為絕對可行.不論經濟怎行,股市升跌,匯市可做好做淡,只要中方向便行.24小時運行,少了很
多開市時高低開的風險.最多都係交投淡靜.不過玩匯市更要有好的心態同時不可只靠技術分析,基本分析
也很重要.但如果你只想為即市炒手,那只需練好即市技巧便可以了.呢方面日後有時間或大家有心研究再
談,但本人認為就算大家唔玩,也可以在呢方面學習一下,了解多樣野不是更好嗎?
債市方面我相信一般散戶也未會接觸,但也不可不留意,特別是美債,因為佢點行可知現有流向那方面的.
生意方面:資訊年代的開始,以往傳統式生意似乎日漸式微.假設你開一間酒家,廿年前同現在所顧慮是多少
?我相信比以前難度更高.網路上的生意已經普及,大家又有冇考慮一下?可是呢一塊餅又有幾多人分呢?
經濟不好,還做生意?但我認為有危就有機.經濟好攪咩都掂,依家當然要出奇招先可致勝.大家又想想吧.
亂世出英雄,我認為世道愈亂,發達的機會愈多.生活太安穩,大家咪只會用時間換取金錢,咁就一世啦.
別說太多借口了,加把勁向前沖吧.為自己好,為下一代好,一定要加油.
祝大家來年開開心心,鬥志強橫.GOGOGO!!!
