手袋絕對是女人荷包的毒藥，餐餐啃荷包碌爆卡為買名牌袋時有所聞。最可恨是出新款快過出糧，一個袋上落至少幾千至幾萬，身家往往就咁奉獻了。臨近新年又想再買個新袋去Party 肯定背上敗家之名，萬料不及搵到一招手袋出租，日租一百幾十就可以日日轉新Look ，從來都無諗過，港女可以變慳妹！記者：葉雪芯攝影：楊錦文Model ：Algie@puremodelMakeup &Hair ：Xavier
二百有找 租clutch 去party
Prada 桃紅色小手挽袋原價$6,201月租$278
租車、租樓、租碟，就嚟連男朋友都有得租的年代，最新一招正中女士下懷的是租手袋。對於不少香港人可能仍然是陌生，但其實租賃名牌手袋在外國早已經流行多年。提供出租手袋服務的ICONLady 負責人Jason 睇來很明白女人的心理：「無論手袋有幾靚，一個月之後就會想買新。」他說，尤其金融海嘯之後，大家的荷包都縮水，買袋的人的確少了很多，租手袋反而殺出了新血路。臨近新年，是去Party 的好時候，要出去威，無番個clutch 點出得大場面？估唔到連clutch 都有得租，而且勁貼心，一百幾十租兩日一夜，但要先付原價作為按金，Jason 說：「clutch 的實用性不大，最多只是用得著一次半次，不需要花大量金錢就可以搵到最適合的手袋出席不同的場合，所以租賃情況都幾受歡迎。」百五蚊有找租一次，去十個八個Ball 都無問題！除了clutch ，Jason 說其他手袋會以月租形式，當中以miu miu 、Gucci 的大袋比較受歡迎。
miu miu 灰色羊仔皮大手挽袋原價$28,500月租$1,580
Gucci 粉紫色shopping tote原價$8,397月租$1,960
■YSL 金色Y-Mail 信封形clutch原價$2,850兩日一夜租$148
■LV 白色彩Monogram clutch原價$4,465兩日一夜租$235
■miu miu 紅色鱷魚皮clutch原價$1,650兩日一夜租$148
■Gucci 銀色鏡面clutch原價$4,582兩日一夜租$235
■miu miu 啡色羊仔皮手挽大袋原價$8,288月租$1,658
■Gucci 啡色皮shopping tote原價$10,880月租$1,800
■miu miu 黑色格仔大袋原價和租金待定
■LV monogram 長帶斜
袋原價$2,500月租$60
■Prada 黑色玫瑰花手挽袋原價$7,089月租$319
■Chanel 銀色格仔手袋原價$23,800月租$857
■LV 手挽袋寄賣價$4,666
■Gucci 圓筒形手挽袋寄賣價$4,666
兼做寄賣易回本
■Jason 說不用擔心有假貨，因為場內會有專人驗收，不論租定買，保證不會是A 貨。
平日有去開乜乜站出二手貨的姊妹都知道，即場交易，只得兩種結果，收或不收，而且仲有一套規矩，某些品牌如Marc Jacobs 、Kate Spade 、Coach 等一概不收。但若然各位真金白銀花過錢買了上述的名牌手袋，家陣一樣有散貨場，皆因ICONLady 做埋寄賣服務，順手加入環保行列，仲幫手做埋consultant ，建議定價，分分鐘幫手回本，又或者在此找到外國專有的特別版貨色，以後我再買手袋都唔會有罪惡感。
ICONLady （21161678）銅鑼灣渣甸街25號金利隆中心三樓
LV 金色Clutch原價$2,850兩日一夜租$220
FROM: 頻果日報
