許晉亨
李嘉欣人人都想嫁個有錢人，食得好住得好，嫁到入豪門就更加一世唔使憂！好似李嘉欣嫁到家族身家有200億嘅許晉亨，梁洛施有小小超李澤楷撐腰一樣，好過中六合彩。但係金[龜婿難求，隨時遇到空心老倌就閉翳，所以麥玲玲就教大家從面相去分辨誰是億萬富豪。
李澤楷
1毛髮濃密
首先富豪都要有事業，富豪同時會具備眉毛濃、頭髮濃、鬍鬚濃，是絕配，事業必有所成好似李澤楷，雖然頭髮短但都算濃密。
2額飽滿
飽滿代表少年運佳，讀書叻，30歲前已有基礎成就，或者家底好，差極有限。
3眉尾向上
眉形整齊的人，思考力強，做事容易成功，若再加上眉尾向上揚，多有一定社會地位，隨時係企業大老闆。
4鼻頭大
男性的鼻代表財政狀況，鼻愈大，儲錢能力愈高。如鼻大、鼻頭圓加上鼻孔略朝向上，代表應使得使，對伴侶都較疏爽，一定有錢過你手。
5下巴兜
下巴兜兜，晚境無憂，下巴圓而有肉，即晚運極佳，有錢剩，下半世唔使憂。
徐子淇
嫁有錢人搵到個富豪男友，都唔一定嫁到入豪門，會唔會埋門一腳甩拖就要睇睇自己有冇本事，可以細心觀察自己面相有冇以下特徵：
鼻樑高，加上顴、鼻有肉，而且匹配，即兩方面都不過大或過細，就可以享到夫福，花老公錢。即使老公唔係億萬富豪，都衣食無憂。
