衫字經之潮友話事：名牌系補習天王Joseph Li 教咗個Dior Boy
曾經貪得意拜讀於某位名師門下（一堂咁多），筆記入面好刻意放了幾張他用名牌衫鞋袋的炫耀式相片，當年有些衞道之士大罵這是鼓吹物質主義的代表。到Joseph Li 自立門戶開補習社，拍廣告著晒Dior Homme 、Undercover ，件件Signature 到爆喎，唔怕俾人鬧咩？估唔到Joseph 輕描淡寫一句：「你估而家啲嚫仔嚫妹傻㗎咩？會為買件衫去做雞？」於是繼續他的品味之談。無錯，小記起碼聽過有人讚Joseph 襯衫有Taste ，未聽過有人讚小記的「恩師」咋……記者：梁俊鵬攝影：楊錦文
環保時裝精？
稱得上是補習天王，Joseph 自稱每季都要花十萬置裝，不過始終不同明星無得搲Sponsor ，點夠著？Joseph 就用「Recycle 」概念解釋一切：「著得好睇就點襯都得！好似Junya Watanabe 今季的西裝，後面加上格仔布料，就成為新Design 。有人話佢上季的格仔衫賣唔晒，用舊料整新衫，我就覺得好睇。」以為他聽到愛牌就會二話不說即買，點知又錯：「買衫為買Details ，但都要睇吓個Detail 位係咪值錢先？我有件Number (N)ine 褸，皮製邊位難度好高，即刻畀錢。有些品牌玩Patchwork 或者吊飾都幾無聊，真係寧願自己拎舊嘢DIY ，都算係Recycle 。」另一Recycle Item 是Skinny Pants ：「一兩條夠頂一季，我鍾意買Boots 、高筒Sneakers ，著呢類鞋條褲都被遮了一大截。」講到Recycle 正解，Joseph 就曾與徐濠縈一起賣二手衫，一放就是三、四十件，又有筆新資金玩過。
身穿破爛、鐵線加工的Cardigan ，屬Masaki Matsushima 松島正樹作品，是外界將之與三宅一生、川久保玲齊名的後起之秀。
Joseph 指住身上的Junya Watanabe 棒球褸話：「人人以為我著恤衫係Mismatch ，其實著條好Wea 的牛仔褲先叫襯錯！」
其實係慳家王
估唔到，自命其實都幾慳的Joseph ，身上無名錶無靚手袋，「錶唔係好見到人，加上我肯定自己會唔見錶，所以唔戴靚錶。最鍾意的袋唔係貴嘢，係一個好似而家嚫仔鍾意的agn
s b.大側袋；屋企都有幾個Dior 皮袋，不過唔係成日用，少見天日。」又一個估唔到，拍廣告要見人喎，都可以在此慳番筆：「我拍的廣告成本好平，自己做Stylist ，化妝、髮型、攝影加埋一萬蚊都唔使。不過效果咪幾好，記得有次去法國撞到王菲舊時個Stylist TiTi Kwan ，佢問我係咪Wyman 幫我搞過形象添！」不知是否環保的概念太根深柢固，廣告用咗幾年都未換，畀學生睇吓你個新爆炸頭都好
！
■無論如何都要著上身的Dior Homme 外套，是Hedi Slimane 的告別作。約$9,000
時尚補習班
網上有人筆錄Joseph 金句，竟然唔係話自己又Tip 中幾多會考題，而是：「我唔鍾意教新區，過度啲人唔識欣賞我啲Fashion 。」向Joseph 求證，原來真有此事：「好耐之前的事了。過時覺得啲嚫仔乜都唔識，我使乜襯咁靚！但今時唔同往日，好多嚟上我堂的學生哥都好有品味，尤其係港島區學校過班，可能我個形象已經幫我間學校挑選咗一批潮人出來。」落堂傾Fashion 的學生為數也不少，印象最深就是一位他稱之為「Dior Boy 」的學生：「佢哋成班St.Paul 仔都著得好潮，經常同我傾時裝，後來這個『Dior Boy 』仲去咗英國St.Martins 讀Fashion Design ，而家得閒仲有聯絡。」
Fashion Icon 是甘國亮
在八十年代，有多少個今日的中、上流階層不視《號外》為時裝聖經？又有多少人不將甘國亮那種形象與文化俱全的才子拜為偶像？Joseph 同樣是由《號外》認識這個時裝世界：「睇靚衫都在那里，我貪靚，過時慢慢開始買靚衫，先係由Gay Giano 開始。」嘩！現在Gay Giano 股票已變成一隻礦產炒股，又有幾多個後生仔識Due-G ？這件事真的有歷史印記。越買越豪絕對是每個時裝精的成長階段，九十年代Joseph 就轉去Joyce 、Swank 買Designers\'Items ：「朋友當然有影響，我身邊都係潮人，啟蒙人應該係黃炳培（又一山人）吧？當年在電影班認識他，就是他帶我去Joyce 買第一件Calvin Klein 獵裝Safari Jacket 。還有而家Swank 已經無得賣的John Rocha ……」跟手一萬蚊一件Yohji 、幾萬蚊一套Gucci by Tom Ford 西裝，就這樣時裝至今。
Joseph\'s 飛佛
a.唯一一件B 仔Bernhard Willhelm ，鍾意靡爛Style 的設計令Joseph 可以包容他不喜歡的民族圖案。約$6,000/03年出品
b.與D-mop 老細相熟，專誠買下這件白色油漆Kiminori Morishita Jacket ，最愛其金屬細節位。約$7,000/06年出品
c.黑框眼鏡唔算多，只有20多副，Joseph 自豪曾在四季酒店食飯時有外國人埋身問他這副Effector 木框眼鏡喺邊度買。約$3,000
d.Undercover 成名作樹葉Scarf ，Joseph 話自己大時大節拍廣告先會出動。約$7,000/04年出品
e.力捧mastermind JAPAN 成香港潮牌的，除了Juno 還有Joseph 。約$6,000
f.作為Hedi Slimane 的死忠粉絲，Joseph 99年專誠於法國訂購這件出自Hedi 手筆的YSL 長皮褸。約$50,000
g.Joseph 衣櫃里最貴的Dior Homme 紅色外套。約$40,000
後記著Dior 的惡魔……的跟班？
約Joseph 訪問足足用上兩星期，一直未能直接對話，全憑他一位叫阿Tim 的助手穿針引線。訪問當日，阿Tim 推衣架，抽兩大袋衣服，李生前、李生後地稱呼Joseph 。Joseph 一句：「喂你落番五樓幫我拎番啲衫上嚟。我六點鐘要走！」阿Tim 真係即刻仆到去，還差幾分鐘到六點仲送上幾個溫馨提示。最慘就係Joseph 都唔多畀面照窒：「個學生好似阿Tim 咁薯！」寄望一朝他可以好似Anne Hathaway 吐氣揚眉變型啲！
■05年的廣告造型，唔知叫唔叫襯，不過的確將他的最愛–Undercover 和Dior Homme 放埋一齊。
